Vichaara Vedhi

പഴയൊരു പാട്ടിന്റെ വരി മൂളുവാൻ അതിലെ പ്രണയത്തിൻ മധുവോർക്കുവാൻ മനസ്സാൽ കൊതിയ്ക്കാത്ത മനുജരുണ്ടോ ? ആ മധുരം കൊതിയ്ക്കാത്ത മനസ്സുമുണ്ടോ?                         [പഴയൊരു പാട്ടിന്റെ....] കൊന്നകൾ പൂക്കുന്നൊരാ ഗ്രാമവഴികളിൽ തുളസിക്കതിരിന്റെ നിർമ്മല ഭാവത്തിൽ ആയിരം കമിതാക്കൾ നടന്നിരുന്നു, എന്നാൽ അകതാരിലായിരുന്നനുരാഗം.... അവർക്കകതാരിലായിരുന്നനുരാഗം                       [പഴയൊരു പാട്ടിന്റെ....] കണ്ണുകൾ കഥ പറഞ്ഞാ നല്ല നാൾകളിൽ കണ്ടുമുട്ടീയവർ കല്യാണ വീടുകളിൽ പറയാതെ പറഞ്ഞവർ കാര്യങ്ങൾ ആയിരം അകതാരിലായിരുന്നനുരാഗം..... അവർക്കകതാരിലായിരുന്നനുരാഗം                        [പഴയൊരു പാട്ടിന്റെ....] വേനൽ അവധികൾ കഴിഞ്ഞു കിട്ടാൻ വീണ്ടും തൻ പ്രിയരെ കണ്ടുമുട്ടാൻ അന്നത്തെ മിഥുനങ്ങൾ കൊതിച്ചിരുന്നു, എന്നും അകതാരിലായിരുന്നനുരാഗം..... അവർക്കകതാരിലായിരുന്നനുരാഗം                 ...

കെട്ടകാലം  ഇതു കെട്ടകാലം കേരളനാടിന്റെ ശാപകാലം !! നാടാകെ  നിറയുന്ന പീഢനങ്ങൾ കരളുരുക്കീടുന്ന രോദനങ്ങൾ !! എന്റെ നാടെന്റെ നാടെന്തിങ്ങനെ? കലികാലമെന്നു പറഞ്ഞീടണോ? കൈവിരൽ തുമ്പിലായ്‌ മിന്നിമറയുമാ ശ്ലീല-മശ്ളീലങ്ങൾ ഹേതുവാണോ? സംസ്കാര സമ്പന്നരെന്നു നമ്മൾ മേനി നടിപ്പതു വെറുതെയാണോ? ഉള്ളിലുറങ്ങുന്ന കാപാലികത്വത്തെ തള്ളാതെ കൊള്ളുവതെന്തു നമ്മൾ? കൈക്കുഞ്ഞിൻ നഗ്നത കണ്ടുപോലും കാമമുണരുന്ന മ്ലേച്ചരോ നാം? വന്ദ്യവയോധികർ പോലുമിപ്പോൾ സന്ധ്യയ്ക്കു വീടകം പൂകിടുന്നു ! മാവേലി നാട്ടിലിന്നച്ഛനില്ല കൂടെ പിറന്നവനൊട്ടുമില്ല ! ഉള്ളതോ കേവലം ആൺകോലങ്ങൾ ഉള്ളിലായ് ഷണ്ഡത്വമേറ്റുന്നവർ !! **** പെണ്ണിനോട്: വാക്കിലും നോക്കിലും മൂർച്ചയുണ്ടാക്കണം കൃത്യത്തിൽ ആർച്ചയായ് മാറിടേണം അനുനയ ഭാവത്തിലരികിലെത്തീടുന്ന അഭിനവ ചന്തുവേ ആട്ടിടേണം എരിയുന്നോരഗ്‌നി നീ കണ്ണിൽ കരുതണം കാപാലികന്റെയാ കരളെരിക്കാൻ കാരുണ്യമൊട്ടുമേ കാട്ടിടാതവനെ നീ കാലപുരിയ്ക്കങ്ങു വിട്ടിടേണം ഓർക്കുക പെണ്ണേ  നിൻ മാനം കരുതുവാൻ ഈ നാട്ടിൽ നിൻ തുണയ്ക്കാരുമില്ല കെട്ടകാലം  ഇതു കെട്ടകാലം കേരള...