Vichaara Vedhi

  ഏറുന്ന ജോലി സമ്മർദ്ദവും ആത്മഹത്യകളും [ലേഖനം] മുൻപ് വല്ലപ്പോഴും, ഇപ്പോൾ പലപ്പോഴും, ഏറെ വേദനിപ്പിയ്ക്കുന്ന ഇത്തരം ചില വാർത്തകളുമായാണ്, ദിനപത്രങ്ങൾ അതിരാവിലെ നമ്മുടെ മുൻപിലേയ്ക്കെത്താറുള്ളത്. "ജോലി സമ്മർദ്ദം മൂലം യുവാവ് അല്ലെങ്കിൽ യുവതി ആത്മഹത്യ ചെയ്തു ...".  അത്തരം വാർത്തകളുടെ ഉള്ളറകളിലേയ്ക്ക് ചെല്ലുമ്പോഴാണ് അറിയുന്നത്, ആൾ ജോലിയിൽ കയറിയിട്ട് ഏതാനും ചില മാസങ്ങളേ ആയിട്ടുള്ളൂ; അല്ലെങ്കിൽ കുറേയേറെയായി.... എന്നൊക്കെ. എന്തേ ഇത്തരം മരണങ്ങൾ അടുത്തിടെയായി വല്ലാതെ പെരുകുന്നു? എന്താണ് ഈ അമിത ജോലി സമ്മർദ്ദത്തിന് കാരണം? ജോലിഭാരവും, ജോലി സമ്മർദ്ദവും തമ്മിൽ വല്ല ബന്ധവുമുണ്ടോ? പലരും പറയുന്നത് പോലെ, സർക്കാരിനോ അല്ലെങ്കിൽ തൊഴിലുടമകൾക്കോ ഇതിൽ കാര്യമായി എന്തെങ്കിലും ചെയ്യാനുണ്ടോ? എന്താണ് ഇതിനൊരു പരിഹാരം?   ചോദ്യങ്ങൾ, അങ്ങിനെ അനവധിയാണ്. ആദ്യം തന്നെ പറയട്ടെ, നമ്മൾ ഇതിന്റെ കാരണങ്ങളിലേയ്ക്ക് പോകുന്നതേയില്ല.  എന്തുകൊണ്ടെന്നാൽ, അത് ഏറെ ഗഹനവും, ഇത്തിരി സങ്കീർണ്ണവും ആയതു കൊണ്ടും, 'സമയമില്ലായ്മ' മൂലം അത്തരമൊരു ദീർഘവായനയ്ക്ക് നിങ്ങളിൽ ആർക്കും തന്നെ, തീരെ സമയമില്ലാത്തതു കൊണ്ടും, മാത്രം. ജോലിഭ...

കനിയാതെ പോകരുതേ... നാഥാ  തിരിനാളമല്ലെന്റെ ഉള്ളിലായെരിയുന്ന  ദുഃഖാഗ്നിയാണെന്റെ നാഥാ .... മിഴിനാളമല്ലെന്റെ  ഉള്ളിലെയഗ്നി തൻ  ഉപനാളമാണെന്റെ നാഥാ ....   കാണാതെ പോകരുതേ ..നീ  കനിയാതെ പോകരുതേ... കാണാതെ പോകരുതേ .. നാഥാ കനിയാതെ പോകരുതേ...   കാൽവരിക്കുന്നിലെ കഠിനമാം പാതകൾ  കനിവിന്റെ ദേവാ നീ കയറിടുമ്പോൾ  തലയിലെ മുറിവിൽ നിന്നിറ്റിയ നിണമതിൽ  ഒഴുകിയ കണ്ണുനീർ ചേർന്നതില്ലേ?   കാലത്തിൻ താഡനമേറ്റ്‌ തളർന്ന നിൻ  കാലുകൾ തളരാതെ നോക്കീടുവാൻ  ഇറ്റുന്ന കണ്ണുനീർ തുടച്ചുകൊണ്ടിന്നും ഞാൻ  പരമപിതാവിനോടർത്ഥിച്ചിടും   ജീവിതക്കുന്നുകൾ കയറിക്കിതച്ചോരെൻ  ഇടറുന്ന കാലുകൾ തളർന്നിടുമ്പോൾ  കുളിരുള്ളൊരിളനീർത്തുള്ളി പോൽ ഇറ്റണെ  കനിവിയലും നിൻ കൃപാകടാക്ഷം   കാണാതെ പോകരുതേ ..നീ  എന്നിൽ .... കനിയാതെ പോകരുതേ... കാണാതെ പോകരുതേ .. നാഥാ എന്നിൽ .... കനിയാതെ പോകരുതേ... ================= സ്നേഹപൂർവ്വം  ബിനു മോനിപ്പള്ളി  ****** Blog:   www.binumonippally.blogspot.com Youtube:   Binu M P FB:   Binu Mp Binu Monippall...

വിഷുവെന്ന് കേൾക്കുമ്പോൾ [ കവിത]  വിഷുവെന്ന് കേൾക്കുമ്പോൾ വിഷമങ്ങൾ മാറുന്ന  സുഖദമാം ഓർമ്മയാണിന്നും  വിഷുവെന്ന് കേൾക്കുമ്പോൾ വിരഹങ്ങൾ നീക്കുമാ കൊന്നകൾ പൂക്കുന്ന കാലം പുലർകാലമാകുമ്പോൾ പൂമുഖക്കോണിലെ  കണികാണാൻ എത്തിയ്ക്കുമമ്മ  പീതാംബരം ചുറ്റി കുഴൽ വിളിച്ചങ്ങിനെ  ചിരിതൂകി നിൽക്കുന്ന കണ്ണൻ  കുളികഴിഞ്ഞെത്തുമ്പോളരുമയായ് ചേർത്തെന്റെ  നിറുകയിൽ ചുംബിയ്ക്കുമച്ഛൻ  കൈനീട്ടി നിൽക്കുമ്പോൾ ചിരിയോടെ നൽകുമാ  കൈനീട്ടമാണെന്ൻറെ നോട്ടം  കൂവിത്തിമിർത്തെൻറെ  കൂട്ടുകാരൊത്ത് ഞാൻ  ഓടിക്കളിയ്ക്കുന്ന നേരം  പതിവുകൾ തെറ്റിച്ചന്നൊഴുകുന്ന കാറ്റിലാ നറുനെയ് മണക്കുന്ന നേരം  ചമ്രം പടിഞ്ഞിട്ട് തൂശനിലയിൽ ഞാൻ  പായസം ഉണ്ണുന്നൊരോർമ്മ   സംവത്സരങ്ങൾക്ക് ശേഷമെൻ നാവിലി- ന്നതുപോലെ നിൽക്കുന്നു നൂനം..!! ================= കണിക്കൊന്നകൾ പൂവിരിച്ച നാട്ടുവഴിയിലൂടെ, ഇതാ മറ്റൊരു വിഷു കൂടി വരികയായി....  കായാമ്പൂവർണ്ണനെ കണികണ്ടുണരാൻ..... മനം നിറഞ്ഞൊരു കൈനീട്ടം വാങ്ങാൻ ... മറ്റൊരാഘോഷം നമുക്കില്ല തന്നെ.....  ഏവർക്കും സമൃദ്ധിയുടെ, സന്തോഷത്തിന്റെ, ആഘോ...

    കണിക്കൊന്ന നിറയെ കണിക്കൊന്ന പൂത്തു നിൽക്കും  നിറമാല പോലെ നിരന്നു നിൽക്കും  നിറവാർന്ന വാനിലുദിച്ചുയരും  നിറമേളനങ്ങളിലന്ന് സൂര്യൻ    പുലർവേളയിൽ ഞാൻ ഉറങ്ങീടവേ  പതിയെയടുത്തെത്തി മിഴികൾ പൊത്തി  പതറാതെയെന്നെയാ ഉമ്മറത്തെ  പതിവില്ലാ കണികാട്ടുമമ്മയന്ന്  പീതാംബരം ചുറ്റി ചേലെഴുന്നാ  ഓടക്കുഴൽ വിളിച്ചുല്ലസിയ്ക്കും  പുന്നാരക്കണ്ണന്റെ മുന്പിൽ ഞാനോ  മറ്റൊരു കണ്ണനെ പോലെ നിൽക്കും    നിറമാർന്നൊരോർമ്മയാണിന്നുമെന്റെ കനവിലും നിറയുന്ന പൊൻവസന്തം  കണികണ്ടൊരാ കണിക്കൊന്ന തന്റെ  കനകവും തോൽക്കുമാ 'കനകശോഭ'  ================= സ്നേഹപൂർവ്വം  ബിനു മോനിപ്പള്ളി  ****** Blog:   www.binumonippally.blogspot.com Youtube:   Binu M P FB:   Binu Mp Binu Monippally ********