Vichaara Vedhi

ചിക്കൻപോക്സും പിന്നെ വിവിപാറ്റും   കഴിഞ്ഞ ശനിയാഴ്ച ഏതാണ്ട് രാത്രി 8 മണിയ്ക്കാണ് എനിയ്ക്ക് ആ ഫോൺ കാൾ വന്നത്. 'ഹലോ ... ബിനു അല്ലെ?' "അതെ .." "ഇത് തിരഞ്ഞെടുപ്പ് കമ്മീഷൻ ഓഫീസിൽ നിന്നാണ് .." "എന്താ സാർ ?" "നാളെ രാവിലെ 10 മണിയ്ക്ക് ഇവിടെ ഓഫീസിൽ എത്തണം. അത് പറയാൻ വിളിച്ചതാണ്" കൂടുതൽ എന്തെങ്കിലും ചോദിയ്ക്കുന്നതിനു മുൻപേ കാൾ കട്ടായി. ആകെ പ്രശ്നം ആയല്ലോ. എന്തിനായിരിയ്ക്കും നേരിട്ട് വിളിപ്പിയ്ക്കുന്നത്? ഇനി വല്ല FB പോസ്റ്റും ആണോ പ്രശ്നം ? ഞാനാണെങ്കിൽ രാഷ്ട്രീയവും തിരഞ്ഞെടുപ്പും ഒന്നും ആയി ബന്ധപ്പെട്ട ഒരു പോസ്റ്റും ഇടാറില്ല. ഒന്നും ഷെയർ ചെയ്യാറും ഇല്ല. അല്ലെങ്കിൽ പിന്നെ അത് മൂലമുള്ള എന്തേലും കുഴപ്പം ആണെന്നു കരുതാമായിരുന്നു. ഇല്ല, അങ്ങിനെ ഒന്നും ഓർമയിൽ പോലും ഇല്ല. അപ്പോൾ പിന്നെ എന്തിനാവും? എന്തിനു കൂടുതൽ പറയുന്നു? അന്നത്തെ രാത്രി പിന്നെ ഉറങ്ങാനേ പറ്റിയില്ല എന്ന് പറഞ്ഞാൽ മതിയല്ലോ. പിറ്റേന്ന് രാവിലെ 9:30 കഴിഞ്ഞപ്പോൾ തന്നെ ഞാൻ കമ്മീഷണർ ഓഫീസിൽ  എത്തി. "ദാ ...ആ റൂമിൽ വെയിറ്റ് ചെയ്തോളൂ ..." ആശ്വാസമായി. എന്തോ ഡെമ...

കണ്ണില്ലാത്തവർ    [കവിത] കണ്ണേ മടങ്ങുക കരളേ നുറുങ്ങുക  കനിവു വറ്റിത്തീർന്ന ജനത നമ്മൾ  ഇറ്റു വീഴാനൊരു തുള്ളിയുമില്ലാതെ  ഒക്കെയും നമ്മൾ കരഞ്ഞു തീർത്തു  പശിയൊടുക്കാനിറ്റു വറ്റെടുത്തവനെയാ  പശിയില്ലാ ലോകത്തയച്ചവർ നാം  പ്രണയം നിഷേധിയ്ക്കും പെണ്ണിനെ പച്ചയ്ക്ക്  കത്തിച്ചു കൊല്ലും നരാധമർ നാം  ഇത്തിരിപ്പോന്നീ കുരുന്നിന്റെ  കാൽപിടിച്ചു- ച്ചത്തിൽ വീശിക്കറക്കുന്ന ക്രൂരത  കണ്ടാലറയ്ക്കാതെ വിസ്മരിച്ചീടുവാൻ  കഴിയുന്ന  ജനതയാണിന്നു നമ്മൾ  കണ്ണേ മടങ്ങുക കരളേ നുറുങ്ങുക  കനിവു വറ്റിത്തീർന്ന ജനത നമ്മൾ  രാമ, നീ വരിക നിൻ പരശുവാൽ  തിരികെയെടുക്കൂ നിൻ നാടിതിനെ  അർഹരല്ലൊട്ടുമീ ജനതയിന്നീവിധം  ഇഹലോക ജീവിതം ജീവിയ്ക്കുവാൻ .... -ബിനു മോനിപ്പള്ളി ************* ************* Blog:  https://binumonippally.blogspot.com ചിത്രത്തിന് കടപ്പാട് : മലയാളമനോരമ