Vichaara Vedhi

തൃ-തിരു   സന്നിധികളിലേയ്ക്ക് ... [വയനാടൻ ടൂർ ഡയറി - 2022: ഭാഗം-4] മഞ്ഞുചേല ചുറ്റിയ വയനാടൻ പുലരിപ്പെണ്ണ്, ആവോളം  തടഞ്ഞുവെങ്കിലും, വയനാടൻ യാത്രകളെ ഒരൽപ്പം കൂടുതൽ ഇഷ്ടമായതിനാൽ, സ്നേഹപൂർവ്വം ആ കൈകളെ വിടർത്തി മാറ്റി, ഞാൻ മറ്റൊരു യാത്രയ്ക്ക് തയ്യാറായി. കൂടെ കൂടാൻ നിങ്ങളും തയ്യാറല്ലേ?  ശരി, എന്നാൽ നമുക്ക് പുറപ്പെടാം..... ഇന്നത്തെ നമ്മുടെ യാത്ര, രണ്ടു മഹാക്ഷേത്രങ്ങളിലേയ്ക്കാണ് - തൃശ്ശിലേരി മഹാദേവ ക്ഷേത്രത്തിലേയ്ക്കും, തുടർന്ന് തിരുനെല്ലി മഹാവിഷ്ണു ക്ഷേത്രത്തിലേയ്ക്കും.  [" തൃ-തിരു   സന്നിധികളിലേയ്ക്ക് ... "എന്നാൽ, തൃശ്ശിലേരി-തിരുനെല്ലി അഥവാ ശങ്കര-നാരായണ സന്നിധികളിലേയ്ക്ക് ... ] ആ യാത്രയിൽ, നമുക്ക് വയനാടൻ ഗ്രാമങ്ങളുടെ ഹൃദയത്തുടിപ്പും നൈർമ്മല്യവും അറിയാം; പിന്നെ വയനാടൻ വനങ്ങളുടെ ആ വന്യത നേരിൽ  അനുഭവിയ്ക്കാം. കൂടെ, തിരുനെല്ലിക്കാട്ടിലെ ആ ട്രൈബൽ സൊസൈറ്റിയിൽ നിന്നും, മായം കലരാത്ത നല്ല അസ്സൽ വയനാടൻ വനവിഭവങ്ങൾ വാങ്ങുകയും ചെയ്യാം.     'നൈർമ്മല്യം' എന്ന് പറഞ്ഞത് അത്രയ്ക്കങ്ങ് വിശ്വാസമായില്ലേ?  ഇല്ലെങ്കിൽ, തൃശ്ശിലേരി യാത്രയ...

വീണ്ടും ചില വീട്ടുകാര്യങ്ങൾ... !! [ലേഖനം] പല മാതാപിതാക്കളും (അതും, പല പ്രായത്തിലുമുള്ള കുട്ടികളുടെ) പലപ്പോഴും, തമ്മിൽ തമ്മിൽ പറയാറുള്ള ഒരു കാര്യമുണ്ട്. " ......എന്റെ മക്കൾക്ക് എന്നോട് ഒരു അടുപ്പവുമില്ല .... അവരുടെ ആവശ്യങ്ങൾക്ക് പൈസ കൊടുക്കാൻ വേണ്ടിയുള്ള ഒരു എടിഎം പോലെ മാത്രമാണ് ഇപ്പോൾ അവർക്കു ഞാൻ/ഞങ്ങൾ ... പണ്ടൊക്കെ എല്ലാ നേരോം അമ്മേ ..അച്ഛാ എന്നും പറഞ്ഞു പുറകെ നടന്നിരുന്ന കുട്ടികളാ .... "  എന്ന്. നിങ്ങളും കേട്ടിട്ടുണ്ടാകുമല്ലോ? അല്ലെങ്കിൽ നിങ്ങളും പറഞ്ഞിട്ടുണ്ടാകുമല്ലോ? ഇതിൽ എന്തെങ്കിലും സത്യമുണ്ടോ?  അഥവാ ഉണ്ടെങ്കിൽ, ആരാണ് ഇതിനൊക്കെ ഉത്തരവാദി?  എന്താവും ഇതിനുള്ള കാരണം ?  വെറുതെ ഒന്നാലോചിച്ചു. അയ്യോ... വെറുതെ അല്ല കേട്ടോ. ഞാനും രണ്ടു കുട്ടികളുടെ അച്ഛനാണല്ലോ. അങ്ങിനെയാവുമ്പോൾ, ഇതിനെക്കുറിച്ച് ഇപ്പോഴേ ഒന്നാലോചിച്ചു വയ്ക്കുന്നതും നല്ലതാണല്ളോ.  ശരി. രണ്ടു കാര്യങ്ങളാണ് ഇത്തരം പരാതികൾക്ക് പിന്നിൽ, എന്നാണ് എനിയ്ക്കു തോന്നുന്നത് . **** 1. നമ്മൾ മാതാപിതാക്കളുടെ സ്നേഹവും, കരുതലും, തണലും, കൊഞ്ചിയ്ക്കലും, സാമീപ്യവുമൊക്കെ കുട്ടികൾക്ക്...

   "ഓർമ്മക്കായലിൽ ഒരു ഓടിവള്ളം"  [ഓർമ്മപ്പുസ്തകം] പ്രിയരേ, ഈ കുറിപ്പ്, ഒരു ചെറിയ പുസ്‌തകത്തെ കുറിച്ചാണ്.  തിരൂർ ആസ്ഥാനമായി പ്രവർത്തിയ്ക്കുന്ന സമസ്യ പബ്ലിക്കേഷൻസ് പുറത്തിറക്കിയ "ഓർമ്മക്കായലിൽ ഒരു ഓടിവള്ളം" എന്ന പുസ്‌തകത്തെ കുറിച്ച്. 2022 ജൂൺ-12 ഞായറാഴ്ച, തൃശൂർ സാഹിത്യ അക്കാദമി ഹാളിൽ നടന്ന ലളിത സുന്ദരമായ ചടങ്ങിൽ, സത്യജിത് റായ് പുരസ്‌കാര ജേതാവ് ശ്രീ. ഐ ഷൺമുഖദാസ് പ്രകാശന കർമ്മം നിർവ്വഹിച്ച ഈ പുസ്തകം, പുതുമയുള്ള ഒരു വായനാ അനുഭവം ആയിരിയ്ക്കും, ഒരു വായനക്കാരന് നൽകുക, എന്ന് തീർച്ച. ലക്ഷണം തികഞ്ഞ, ആലങ്കാരിക വർണ്ണനകൾ തോരണം തൂക്കിയ, കടുകട്ടി സാഹിത്യസൃഷ്ടികൾ ഒന്നും തന്നെ, ഒരുപക്ഷെ നിങ്ങൾക്കിതിൽ കാണുവാൻ കഴിഞ്ഞെന്നു വരില്ല. കാരണം, ഇതിലെ രചനകൾ വെറും ഭാവനാസൃഷ്ടികളല്ല, മറിച്ച് മുപ്പത് എഴുത്തുകാരുടെ, സ്വന്തം ജീവിത അനുഭവങ്ങളുടെ ഓർമ്മക്കുറിപ്പുകളാണ് എന്നത് തന്നെ. അവയിൽ :- * പൊള്ളുന്ന ഓർമ്മകൾ ഉണ്ട്  * കണ്ണ് നനയിയ്ക്കുന്ന ഓർമ്മകൾ ഉണ്ട്  * ചിരിയ്പ്പിയ്ക്കുന്ന ഓർമ്മകൾ ഉണ്ട്  * നഷ്ടപ്രണയത്തിന്റെ ഓർമ്മകൾ ഉണ്ട്  * നാട്ടുത്സവത്തിന്റെ, നാട്ടൊരു...