Vichaara Vedhi

ത്രിജട: ജഡമല്ലാത്തൊരു മനസ്സുള്ളവൾ  [ രാമായണം: അറിയപ്പെടാത്ത കഥാപാത്രങ്ങൾ-2023:   ഭാഗം-13 ] ത്രിജട. ആ പേര് കേൾക്കുമ്പോൾ തന്നെ വല്ലാത്ത ഒരു രൂപമാണ് മനസ്സിലേയ്ക്ക് വരുന്നത്. അല്ലേ? കുളിയും നനയുമില്ലാത്ത, കറുത്ത് തടിച്ച രാക്ഷസ രൂപമാർന്ന ഒരു സ്ത്രീ .. ചന്നം പിന്നം ചിതറിക്കിടക്കുന്ന മുടിയിഴകൾ ..ഒക്കെ 'ചട' പിടിച്ചങ്ങിനെ വൃത്തികേടായി ... വല്ലാതെ വെറുപ്പുളവാക്കുന്ന ഒരു 'ചടച്ച' രൂപം.  അല്ലേ? എന്നാൽ, രാമായണത്തിലെ 'ത്രിജട' എന്ന ആ രാക്ഷസി കഥാപാത്രം ശരിയ്ക്കും ഇത്തരത്തിലാണോ?  നമുക്കൊന്ന് നോക്കിയാലോ? കഥാപാത്ര പരിചയം:   രാമായണം പലയാവർത്തി വായിച്ചിട്ടുള്ളവർ പോലും ഈ കഥാപാത്രത്തെ എത്രമേൽ ശ്രദ്ധിച്ചിട്ടുണ്ടാകും എന്നറിയില്ല. ജന്മം കൊണ്ട് രാക്ഷസനെങ്കിലും, പിന്നീട് കറതീർന്ന രാമഭക്തനായി മാറിയ വിഭീഷണന്റെ പുത്രിയാണ് ത്രിജട. രാവണനാൽ അപഹരിയ്ക്കപ്പെട്ട്, ലങ്കയിൽ എത്തിയ സീതാദേവിയ്ക്കു കാവലിനായി രാവണൻ ഏർപ്പെടുത്തിയ ആ കാവൽക്കാരിൽ പ്രധാനി. 'ധർമജ്ഞ' എന്നൊരു പേര് കൂടി ത്രിജടയ്ക്കുണ്ട്. വാല്മീകി രാമായണത്തിൽ ഒന്നിലേറെ അവസരങ്ങളിൽ ത്രിജടയെ നമുക്ക് കാണാമെങ്കിലും, അദ്ധ്യാത്മരാമായണത്തിൽ ഏതാണ്ട് ...

ദശരഥൻ: ഒരു ദശാവലോകനം [ രാമായണം: അറിയപ്പെടാത്ത കഥാപാത്രങ്ങൾ-2023:  ഭാഗം-12 ] ആരാണ് ദശരഥൻ?  എന്ന ചോദ്യത്തിന് ഒരു പ്രസക്തിയുമില്ലല്ലോ, അല്ലേ? കാരണം, രാമായണം അറിയുന്ന, കേട്ടിട്ടെങ്കിലുമുള്ള എല്ലാവർക്കും അദ്ദേഹത്തെ അറിയാം.  ശ്രീരാമദേവന്റെ അച്ഛൻ എന്ന നിലയിൽ, അല്ലെങ്കിൽ കോസല രാജ്യത്തെ മഹാരാജാവ് എന്ന നിലയിൽ. പക്ഷേ, നമ്മൾ ഇവിടെ അറിയാൻ ശ്രമിയ്ക്കുന്നത്, ആ മഹാരാജാവിനെ അല്ല; മറിച്ച്, അവതാര പുരുഷനായ ശ്രീരാമദേവന്റെ അച്ഛനായിട്ടും, അർഹിയ്ക്കുന്ന ആ ഒരു പ്രശസ്തി അല്ലെങ്കിൽ പരിവേഷം, ദശരഥ മഹാരാജാവിന് എന്ത് കൊണ്ടില്ല, എന്നതിനെക്കുറിച്ചാണ്. ജീവിതചിത്രം:  കോസല രാജാവായിരുന്ന അജന്റെയും ഇന്ദുമതിയുടെയും പുത്രൻ. യഥാർത്ഥ നാമം 'നേമി'. പത്ത് (ദശ) ദിക്കുകളിലേക്കും ഒരേ പോലെ സഞ്ചരിയ്ക്കുന്ന രഥമുള്ളവൻ എന്ന അർത്ഥത്തിൽ, അറിയപ്പെടുന്നത് 'ദശരഥൻ' എന്ന പേരിൽ.  കൗസല്യ, കൈകേയി, സുമിത്ര എന്നീ ഭാര്യമാർ. അവരിൽ രാമൻ, ഭരതൻ, ലക്ഷ്മണൻ, ശത്രുഘ്നൻ എന്നീ പുത്രന്മാർ. [വടക്കേ ഇന്ത്യയിൽ പ്രചാരത്തിലുള്ള രാമായണ കഥകളിൽ, 'ശാന്ത' എന്നൊരു പുത്രി കൂടി  ദശരഥ മഹാരാജാവിനുണ്ട്. ശാന്തയെ അംഗരാജ്യത്തെ രോമപാദ/ലോമപാദ രാജാവ് പിന...

രാമായണം - അറിയപ്പെടാത്ത കഥാപാത്രങ്ങൾ  [ പരമ്പര: 2023 ] ശ്രീരാമ! രാമ! രാമ! ശ്രീരാമചന്ദ്ര! ജയ  ശ്രീരാമ! രാമ! രാമ! ശ്രീരാമഭദ്ര! ജയ  ശ്രീരാമ! രാമ! രാമ! സീതാഭിരാമ! രാമ!  ശ്രീരാമ! രാമ! രാമ! ലോകാഭിരാമ! ജയ  ശ്രീരാമ! രാമ! രാമ! രാവണാന്തക! രാമ!   ശ്രീരാമ! മമ! ഹൃദി രമതാം രാമ! രാമ! പ്രിയ വായനക്കാരെ, 2020, 2021 വർഷങ്ങളിലെ രാമായണമാസ കാലത്താണ് നമ്മൾ "രാമായണം - അറിയപ്പെടാത്ത കഥാപാത്രങ്ങൾ" എന്ന പരമ്പരയ്ക്ക് തുടക്കം കുറിച്ചത്.  ഇതുവരെ ആകെ 11 ഭാഗങ്ങൾ പ്രസിദ്ധീകരിച്ച ആ പരമ്പരയ്ക്ക്, വായനക്കാരിൽ നിന്നും വളരെ നല്ല പ്രതികരണമായിരുന്നു ലഭിച്ചത്. എല്ലാവരോടുമുള്ള നിസ്സീമമായ നന്ദി അറിയിയ്ക്കുന്നു. നിങ്ങൾ ഏവരുടെയും, അനുഗ്രഹാശിസുകളോടെ, അനുവാദത്തോടെ, പരമ്പരയിലെ അടുത്ത രണ്ട് ഭാഗങ്ങൾ, ഈ രാമായണമാസത്തിൽ നമ്മൾ പ്രസിദ്ധീകരിയ്ക്കുകയാണ്. ആദ്യഭാഗങ്ങൾ പൂർണമായും വായിയ്ക്കുവാൻ കഴിയാത്തവർക്കായി, ചില കാര്യങ്ങൾ ഓർമ്മപ്പെടുത്തുന്നു. തീർത്തും വ്യത്യസ്തമായൊരു രീതിയിലാണ്, രാമായണത്തെ ഇവിടെ കാണാൻ ശ്രമിയ്ക്കുന്നത്. ഒരു തവണ, ഒരു കഥാപാത്രത്തെ (അല്ലെങ്കിൽ കഥാസന്ദർഭത്തെ) മാത്രം തിരഞ്ഞെടുത്ത്, ആ കഥാപാത്രത...

  കണ്ണൻ   [ലളിതഗാനം] താമരപ്പൂങ്കുയിൽ പാടി .... താരാട്ട് കേട്ടു നീ ഉറങ്ങി .... താളം പിടിയ്ക്കുവാൻ, കൂടെ ഉറങ്ങുവാൻ  കുസൃതിയാ കുളിർകാറ്റുമെത്തി  കണ്ണുകൾ പൂട്ടി നീ ചെമ്മേ ഉറങ്ങുമ്പോൾ  അമ്പാടിക്കണ്ണനെ പോലെ  കനവതിൽ വന്നാരോ, ഇക്കിളിയാക്കുമ്പോൾ  ചുണ്ടത്തു വിരിയുന്നതമൃത്  കനവിൽ നിന്നുണരവേ ഇളകിച്ചിരിയ്ക്കും നീ  നിറവാർന്ന തിങ്കളേപ്പോലെ  പൈക്കിടാവൊത്തു നീ ഓടിക്കളിയ്ക്കുമ്പോൾ  യദുകുല ബാലനെപ്പോലെ  കാകനോടൊരു കളി ചൊല്ലി കാട്ടുമൈനയോടൊത്തു നീ ഓടി  കാൽമുട്ടിലിത്തിരി ചോര കിനിഞ്ഞപ്പോൾ  കണ്ണനോടൊത്തു ഞാൻ തേങ്ങി  എന്റെ, കണ്ണനെക്കാളേറെ വിങ്ങി  -------- ചിത്രത്തിന് കടപ്പാട്: ഗൂഗിൾ ഇമേജസ്   =============== സ്നേഹപൂർവ്വം  - ബിനു മോനിപ്പള്ളി ****** Blog:   www.binumonippally.blogspot.com Youtube:   Binu M P FB:   Binu Mp Binu Monippally ********