Vichaara Vedhi

  ഒരു വയനാടൻ ഓണോർമ്മ (2021)   2020 ലെ ഓണം കൊറോണ കൊണ്ടുപോയത് കൊണ്ടുതന്നെ, ഈ വർഷത്തെ  ഓണം നാട്ടിൽ തന്നെ ആകണം എന്ന് ഞങ്ങൾ നേരത്തെ തീരുമാനിച്ചിരുന്നു.  അതിരുകളിൽ വന്യമലനിരകളെ കാവൽ നിർത്തിയ, മേനിയാകെ പച്ചപ്പട്ടു പുതച്ച, ഇനിയും അന്യം നിൽക്കാതെ നെൽവയലുകളെ ചേർത്തുപിടിയ്ക്കുന്ന സ്വന്തം നാട്ടിലേയ്ക്ക്, നൂലുപോൽ പൊഴിയുന്ന ആ മഴക്കാഴ്ചകളുടെ കുളിരിലേയ്ക്ക് എത്രയും വേഗം ഒന്ന് എത്തിപ്പെടാനുള്ള വെമ്പലിലായിരുന്നു, ചിങ്ങം പിറന്നതോടെ  ഞങ്ങൾ എല്ലാവരും. അതേ, വയനാട്ടിലെ സ്വന്തം വീട്ടിലേയ്ക്കുള്ള, ഏതാണ്ട് 3 വർഷത്തിന് ശേഷമുള്ള ആ യാത്രയുടെ ഉത്സാഹത്തിൽ. നമ്മുടെ ദീർഘയാത്രകളെല്ലാം തുടങ്ങുന്നത് വെളുപ്പിന് 5:30 ആണ് എന്നറിയാമല്ലോ. ഓണത്തിന് മുൻപുള്ള ശനിയാഴ്ച, അതായത് ഓഗസ്റ്റ് 14 ന് തലസ്ഥാനനഗരിയിൽ നിന്നും യാത്ര തുടങ്ങി. ഏറ്റുമാനൂർ ശിവക്ഷേത്രം, മോനിപ്പള്ളി ദേവിക്ഷേത്രം എന്നിവിടങ്ങളിലെ പതിവ് സന്ദർശനങ്ങൾ, ഇത്തവണ കോവിഡ് നിയന്ത്രണചട്ടങ്ങൾ കാരണം, കൊടിമരച്ചുവട്ടിലെ പ്രാർത്ഥനകളിൽ ഒതുക്കി.  മോനിപ്പള്ളിയിൽ, തറവാട് വീട്ടിലെ പ്രഭാത ഭക്ഷണത്തിനു ശേഷം, ഹൃസ്വമായ ചില സുഹൃദ്‌...

  ഓണം - 2021  ഓണമാണെത്തുന്നതല്ലേ, പക്ഷേ  കാലം കെട്ടതാണല്ലോ  കാലന്നു പോലുമീ കാലം, മോന്ത- ക്കെട്ടിനാൽ മൂടിയതല്ലോ  'ലോക്കിനാൽ ഡൗണായ' നാട്ടിൽ  സ്വയം ഹത്യകൾ കൂടുന്ന നാട്ടിൽ  മേനി നടിച്ചവയെല്ലാം, ആകെ   നാണക്കേടാകുമീ നാട്ടിൽ  അന്നക്കടയെല്ലാം പൂട്ടി, പിന്നെ  'വെള്ളക്കട'കൾ തുറന്നും  കോടി തൻ വിറ്റുവരവിൽ  കുംഭ ആകെ കുലുക്കിച്ചിരിച്ചും  'കാട്ടിലെ തടി'യെന്നതമ്പേ, മാറ്റി  'മുട്ടിലെ തടി'യെന്നതാക്കി  'കിറ്റൊ'ന്നു കാട്ടി കറക്കി, പ്രജകളെ ഒന്നാകെ 'ഒന്നു' പോലാക്കി  എന്തും പഠിയ്ക്കുവാൻ വയ്ക്കും  നമ്മളൊൻപതു 'സമിതികൾ' നൂനം  എന്നിട്ടു കാണിച്ചു കൂട്ടും  അമ്പതു മണ്ടത്തരങ്ങൾ  വയ്ക്കണം നമ്മളൊരു 'സമിതി' അവർ വയ്ക്കട്ടെ വമ്പനൊരു 'റിപ്പോർട്ട്' 'ഓണം' എന്നുള്ളത് വേണോ? നാട്ടിൽ 'ബാർ' മുടങ്ങീടുകയില്ലേ? 'മാബലി' കയ്യിലും വേണ്ടേ 'ആർടി- പിസിആർ' പുത്തനൊരെണ്ണം? പാതാള ദേശത്തെ വാക്സിൻ, നമ്മൾ  അംഗീകരിയ്ക്കേണ്ടതുണ്ടോ? രാജനാണെങ്കിലും വേണ്ടേ, ഇവിടെ  'ഏകാന്ത വാസമൊരാഴ്ച'? സമിതി തൻ റിപ്പോർട്ട് കിട്ടി, പിന്നെ ...

  മൂല്യമേറിയവൻ മാല്യവാൻ  [രാമായണം: അറിയപ്പെടാത്ത കഥാപാത്രങ്ങൾ - 11 ] പ്രിയരേ ..നമസ്കാരം ... "രാമായണം:  അറിയപ്പെടാത്ത കഥാപാത്രങ്ങൾ " എന്ന പരമ്പരയിലെ, ഈ രാമായണ മാസത്തിലെ അവസാന ലേഖനമാണിത്. മാല്യവാൻ എന്ന കഥാപാത്രത്തെ നിങ്ങളിൽ എത്ര പേർക്ക് അറിയും എന്നെനിയ്ക്കറിയില്ല. കാരണം, ഒട്ടും തന്നെ പ്രാധാന്യമില്ലാത്ത, രാമായണ കഥയിൽ വളരെ ചെറിയ ഒരു സന്ദർഭത്തിൽ മാത്രം വന്നുപോകുന്ന ഒരു രാക്ഷസ കഥാപാത്രമാണത്. എന്നാൽ, ആ കഥാപാത്രവും നമ്മൾ, നമ്മുടെ ജീവിതത്തിൽ ഓർത്തുവയ്ക്കേണ്ട ചില പ്രധാന കാര്യങ്ങൾ നമുക്ക് മുൻപിൽ പറഞ്ഞുവയ്ക്കുന്നുണ്ട്. കഥാപാത്ര പരിചയം:  രാവണന്റെ മാതാവ് കൈകസിയുടെ പിതാവാണ് വയോധികനായ മാല്യവാൻ. യുദ്ധാരംഭത്തിനു തൊട്ടു മുൻപായി, അദ്ദേഹം തന്റെ കൊച്ചുമകനായ രാവണനെ, കൊട്ടാരത്തിൽ എത്തി കാണുകയാണ്. അതും, വലിയൊരു വിപത്തിൽ നിന്നും രാക്ഷസകുലത്തെയാകെ രക്ഷിയ്ക്കണം എന്ന വിനീതമായ അഭ്യർത്ഥനയോടെ. സന്ദർഭം: രാവണസവിധത്തിൽ, മാല്യവാൻ തന്റെ സംഭാഷണം തുടങ്ങുന്നത് തന്നെ  ഇങ്ങനെയാണ് .  ചൊല്ലുവൻ ഞാൻ തവ നല്ലതു, പിന്നെ നീ- യെല്ലാം നിനക്കൊത്തവണ്ണമനുഷ്ഠിയ്ക്ക. ദുർനിമിത്തങ്ങളീ ജാനകി ലങ്കയിൽ  ...

സ്വാതന്ത്ര്യദിന ചിന്തകൾ-2021 [കവിത] നാല്പത്തിയേഴിലെ പാതിരാവിൽ, പണ്ടു നാടിതു നേടിയാ സ്വാതന്ത്ര്യം സൂര്യൻ മറയാത്ത സാമ്രാജ്യശക്തികൾ പോയ്മറഞ്ഞെത്തിയ സ്വാതന്ത്ര്യം പാലൊളി ചന്ദ്രനെ സാക്ഷിയാക്കി അന്നു, നാടിതു നേടിയാ സ്വാതന്ത്ര്യം ! ആഘോഷ രാവതു പോയ്മറയെ മക്കൾ ആമോദമാമോദമുല്ലസിക്കെ ഒരുപാടു സമരങ്ങൾ മുന്നിൽ നയിച്ചൊരാ 'മോഹൻദാസ്' മാത്രം നിശബ്ദനായി ! അധികാരചർച്ചകൾ ഉള്ളിൽ തകർക്കവേ തെരുവിലാ പാവം ചകിതനായി ! ഉറയൂരിയാടിയ വർഗീയസർപ്പത്തിൻ  ദംശനം ഏറ്റവരെത്രയന്ന് ? * * * ഒരുപാടു ത്യാഗങ്ങൾ ചെയ്തു നാം നേടിയ സ്വാതന്ത്ര്യമിന്നൊരു ശാപമായോ ? അഴിമതിയാകെയും മൂടിനിൽക്കുന്നൊരീ ഇന്നിന്റെ നാടിനെ കണ്ടു നിൽക്കെ കണ്ണിൽ നിറയുന്നു, കണ്ണുനീരല്ലതെൻ ഹൃദയത്തിലൂറുന്ന ജീവരക്തം ജാതിവെറികളും അ(ദുര)ഭിമാനകൊലകളും  നാടിന്റെ നെഞ്ചകം കീറിപ്പിളർക്കവേ  പിഞ്ചുബാല്യത്തെയും 'ഇര'യായി കാണുന്ന  കാമാന്ധരെങ്ങും നുരഞ്ഞു പുളയ്ക്കവേ  എങ്ങുനിന്നെത്തുമാ ആശാസ്ഫുലിംഗങ്ങൾ  നന്മ തൻ യാഗാഗ്നി ഊതിയുണർത്തുവാൻ ? തമ്മിൽ ഗുണിച്ചു കുതിച്ചു കയറുമാ  കമ്പോള വിലകളിൽ പ്രജകൾ പിടയവേ  അരമന മോടി കൂട്ടീടുന്ന സചിവരി-  ന്നാരാൽ തളയ്ക്കപ...

  ഭ്രൂണ-ഗർഭാവസ്ഥകൾ രാമായണത്തിൽ [രാമായണം : അറിയപ്പെടാത്ത കഥാപാത്രങ്ങൾ - ഭാഗം-10] പ്രിയപ്പെട്ടവരെ നമസ്കാരം. " രാമായണം : അറിയപ്പെടാത്ത കഥാപാത്രങ്ങൾ" എന്ന നമ്മുടെ പരമ്പരയിലെ ഈ പത്താം ഭാഗത്തിലേയ്ക്ക് സ്വാഗതം. ഒരുപക്ഷേ, ഈ ഭാഗത്തിന്റെ തലക്കെട്ട് നിങ്ങളിൽ ചിലരെയെങ്കിലും ഒന്ന് അലോസരപ്പെടുത്തിയിട്ടുണ്ടാകും. അല്ലെ? മറ്റുചിലരുടെ നെറ്റി ചെറുതായെങ്കിലും ഒന്ന് ചുളിഞ്ഞിട്ടുമുണ്ടാകും.  ഇയാൾ എന്താണ് ഇത്തവണ എഴുതാൻ പോകുന്നത്? രാമായണത്തെപ്പറ്റി തന്നെയല്ലേ? അതോ, തിരക്കിനിടയിൽ "വിഷയം"   അറിയാതെയെങ്ങാൻ  മാറിപ്പോയതാണോ? എന്നും സംശയിയ്ക്കുന്നവരുണ്ടാകും. ഇല്ല. ഒട്ടും മാറിയിട്ടില്ല. ആധുനിക വൈദ്യശാസ്ത്രത്തിൽ, സ്കാനിംഗ് മുതലായ സാങ്കേതികവിദ്യകളുടെ സഹായത്തോടെ നമ്മൾ  മനസിലാക്കുന്ന, ആ 'ഭ്രൂണ-ഗർഭാവസ്ഥകളെ", വളരെ വിശദമായിത്തന്നെ രാമായണത്തിൽ പ്രതിപാദിയ്ക്കുന്നുണ്ട്.  പത്തുമാസങ്ങൾ നീളുന്ന ആ വളർച്ചാപുരാണമാണ്, നമ്മുടെ പരമ്പരയുടെ ഈ പത്താം ഭാഗത്തിൽ ഉൾപ്പെടുത്തിയിരിയ്ക്കുന്നത്  അറിയപ്പെടാത്ത കഥാപാത്രം:  നിശാകരതാപസൻ. ഇദ്ദേഹമാണ് രാമായണത്തിലെ ആ അറിയപ്പെടാത്ത ഭിഷഗ്വ...