Vichaara Vedhi

ഒരുപാടു തവണ നമ്മുടെ സമൂഹത്തിൽ ചൂടേറിയ ചർച്ചാവിഷയമാകുകയും എന്നാൽ എങ്ങുമെത്താതെ എ പ്പോഴും വിവാദത്തിൽ മാത്രം കലാശിക്കുകയും ചെയ്യുന്ന വിഷയം. ഈശ്വരവിശ്വാസം മനുഷ്യന് ആവശ്യമോ, അത്യാവശ്യമോ? ഈശ്വര വിശ്വാസമില്ലെങ്കിൽ മനുഷ്യന് ഈ മണ്ണിൽ ജീവിച്ചു കൂടെ ? അങ്ങിനെ ജീവിക്കാമെങ്കിൽ പിന്നെ ഈശ്വര വിശ്വാസം  എന്തിനാണ് ? എന്തിനാണ് നമുക്ക് അമ്പലങ്ങളും പള്ളികളും? ഇനി ഈശ്വര വിശ്വാസം ആവശ്യമാണെങ്കിൽ തന്നെ ഏത് ഈശ്വരനിൽ വിശ്വസിക്കും? എല്ലാ മതങ്ങളിലും ഉണ്ടല്ലോ ഒരുപാട് ഈശ്വരന്മാർ ...... ഇങ്ങനെ വ്യക്തമായ ഉത്തരം നല്കാനാവാത്ത എത്ര എത്ര ചോദ്യങ്ങൾ? നമുക്കിതിന്റെ ഉത്തരങ്ങളിലേക്ക് കടക്കുന്നതിനു മുൻപ് ഒരു ചെറിയ ഉദാഹരണം നോക്കാം. *  *  *  * നിങ്ങൾ തനിയെ ഒരു ദീർഘയാത്ര നടത്തുന്നു എന്ന് കരുതുക. തീർത്തും  വിജനമായ ഒരു പ്രദേശത്ത് കൂടിയാണ് നിങ്ങളുടെ യാത്ര. അങ്ങിനെ നിങ്ങൾ ഒരു പുഴയുടെ കരയിൽ എത്തുന്നു. നിങ്ങൾക്ക്  ഇനി യാത്ര തുടരണം എങ്കിൽ ആ പുഴ കടക്കണം. എന്നാൽ അതിനു ആകെ ഉള്ളത് ഒരു ഒറ്റത്തടി പാലം മാത്രമാണ്. അതും കൈവരികൾ ഒന്നും ഇല്ലാത്ത ഒരു തെങ്ങ് ...

ആമുഖം: കുഞ്ഞുപാക്കരൻ : നാട്ടിലെ പാവം കൂലിപ്പണിക്കാരൻ. അന്നന്നത്തെ അന്നത്തിന് അധ്വാനിച്ചു സമ്പാദിക്കുന്നവൻ. പക്ഷെ, ആനുകാലിക സംഭവങ്ങളെ നർമ്മത്തിന്റെ മേമ്പൊടി തൂകി അവതരിപ്പിക്കാൻ മിടുക്കൻ. കുമാരച്ചൻ : തനി നാടിൻ പുറത്തുകാരൻ. ടിവി ചർച്ചകൾ സ്ഥിരമായി കാണുമെങ്കിലും പലതും മനസിലാകാറില്ല.  *** *** *** എടാ കുഞ്ഞുപാക്കരാ ഒന്ന് നിന്നേ ... ഓ കുമാരച്ചനോ ? എന്താ കാര്യം ? നല്ലൊരു ദിവസമായിട്ട് പുറകീന്ന് വിളിക്കല്ലേ .... അതല്ല പാക്കരാ ...ഇന്നലെ ടിവി ചർച്ച കണ്ടിട്ട് ഒന്നും മനസിലായില്ല. അപ്പോൾ മുതലുള്ള സംശയമാ ...നീ ഒന്ന് പറഞ്ഞു താ ..... ശരി ..ചോദിക്ക് അതെ നമ്മുടെ ഈ കേരളത്തിൽ ഇടതും വലതും മാറി മാറി ഭരിച്ചിട്ടും ഈ നാടെന്താ നന്നാകാത്തത് ? എന്റെ കുമാരച്ചാ നിങ്ങളിങ്ങനെ ആളെ എടങ്ങേറാക്കുന്ന ചോദ്യങ്ങളൊന്നും ചോദിക്കല്ലേ ... അതല്ല പാക്കരാ ..നീയൊന്ന് പറഞ്ഞു താ... വെറുതെ അല്ലല്ലോ ചോദിച്ചിട്ടല്ലേ ? ശരി പറയാം ...ശ്രദ്ധിച്ചു കേൾക്കണം. ...അടിസ്ഥാനവർഗത്തിന്റെ പ്രസ്ഥാനമെന്ന് അറിയപ്പെടുന്ന ഇടതും,അതിബൂർഷ്വാസികളെന്നു മറ്റുള്ളവർ വിളിക്കുന്ന വലതും, പിന്നെ വർഗീയമെന്ന് അധിക്ഷേപിക്കുന്ന ....." നിർത്ത് ...

സമയമില്ല പോലും ....!! പതിവിൽ    കൂടുതൽ തിരക്കുള്ള ഒരു ദിവസം . ഒരുപാടു ജോലികൾ തീർക്കാനുള്ള ബദ്ധപ്പാടിനിടയിലായിലാണ് മൊബൈൽ ചിലച്ചത് . സുഹൃത്താണ് ‌.  "... എടാ എന്ത് പണിയാ നീ കാണിച്ചത് ? എന്താ നീ ഇന്നലെ പാർട്ടിക്ക് വരാത്തത് ?..." " സോറി ഡാ ... സമയം കിട്ടിയില്ല ... നിനക്കറിയാമല്ലോ എന്റെ "   ബാക്കി പറയുന്നതിന് മുൻപേ അവൻ കാൾ കട്ട് ചെയ്തു . വീണ്ടും ജോലിത്തിരക്കിലേക്ക് . ലഞ്ച് ബ്രേക്കിന്    വീണ്ടും അടുത്ത കാൾ . അടുത്ത ഒരു  ബന്ധുവാണ് . "... എടാ എന്ത് പണിയാ നീ കാണിച്ചത് ? എന്താ നീ ശനിയാഴ്ച്ച സീതേടെ    കല്യാണത്തിനു വരാത്തത് ?" " സോറി അങ്കിളേ   ... സമയം കിട്ടിയില്ല ... അങ്കിളിനു അറിയാമല്ലോ എന്റെ തിരക്ക്  "   ബാക്കി പറയുന്നതിന് മുൻപേ അങ്കിൾ   കാൾ കട്ട് ചെയ്തു . *  *  *  * ഈ സംഭാഷങ്ങണങ്ങൾ നമുക്ക് വളരെ പരിചിതമല്ലേ ? ഒരു ദിവസം തന്നെ നമ്മൾ ഈ ഉത്തരങ്ങൾ എത്ര തവണ ആവർത്തിക്കുന്നു ? ജീവിതത്തിൽ ഒരിക്കലെങ്കിലും " ഓ .. ...

ബാല്യം [ബാല്യത്തിന്റെ ചാപല്യങ്ങളും കുസൃതികളും നഷ്ടമായ ഇന്നത്തെ കുട്ടികൾക്കു സമർപ്പിക്കുന്നു]  പാതിരാപ്പൂനിലാവൊളിവിതറീടുന്നൊരിന്നിന്റെ കാണാക്കരയിലിരുന്നു ഞാൻ അയവിറക്കീടുന്നെൻ ബാല്യകാലം ചാപല്യം തിങ്ങിയ ഭുതകാലം കാറ്റിലലയടിച്ചൊഴുകിയെത്തീടുന്ന അഷ്ടപദിയുടെ താളത്തിൽ എല്ലാം മറന്നു ഞാനുല്ലസിച്ച ദുർല്ലഭ സുന്ദര ഭുതകാലം അമ്മ തൻചൂടന്നെനിക്കേകിയോ- രാത്മ സായൂജ്യം കുടഞ്ഞെറിഞ്ഞ്‌ കൂട്ടരോടൊത്തു സമ്മേളിക്കുവാ- നായിരുന്നന്നെനിക്കേറെയിഷ്ടം കാലത്തുറങ്ങിയുണർന്നെണീറ്റ്‌ അമ്പലമുറ്റത്തൊന്നൊത്തു കൂടി എന്തൊക്കെ വിക്രിയയായിരുന്നു അന്നു ഞാനൊപ്പിച്ചതെത്ര കഷ്ടം ഉണ്ടായിരുന്നില്ല 'ട്യൂഷനൊ'ന്നും ഉണ്ടായിരുന്നില്ല 'നേഴ്സറിയും' കുഞ്ചുവാശാന്റെ **'കളരി'യാകുന്നെന്റെ- യാദ്യത്തെയാ വിദ്യാലയം ഉറക്കെകരഞ്ഞൊരടിയും വാങ്ങി ഓലയോടൊപ്പം മണലുമേന്തി കളരിയിൽ പോകുന്നതിന്നുമെന്റെ ഓർമ്മയിൽ മായാതെ നിന്നിടുന്നു അക്ഷരമൊന്നു പിഴച്ചുവെന്നാൽ തെല്ലൊന്നുറക്കെ ചിരിച്ചുവെന്നാൽ മുറുകിടും ആശാന്റെ കൈവിരലൊന്നെന്റെ തുടയിൽ മണലോടൊപ്പം വാവിട്ടുറക്കെ ന...

(കേരളീയർ അനുകരിക്കാൻ ശ്രമിക്കുന്ന ഒരു പാശ്ചാത്യകുടുംബം? ) ഏറ്റവും സംസ്കാരസമ്പന്നരും, ബൗദ്ധികമായി ഉയർന്ന നിലവാരം പുലർത്തുന്നവരും എന്ന്‌, സ്വയം അഭിമാനിക്കുകയും, ചിലപ്പൊഴെങ്കിലും അതിനെക്കുറിച്ച്‌ മേനി നടിക്കുകയും ചെയ്യുന്ന, നമ്മുടെ കേരളസമൂഹം ഇന്നഭിമുഖീകരിക്കുന്ന ഒരു വൻ ഭീഷണിയെകുറിച്ചാണ്‌ ഇവിടെ നമ്മൾ അവലോകനം ചെയ്യുന്നത്‌. അതെ, കേരള സമൂഹത്തിൽ ഇന്നു കാണുന്ന ഏറ്റവും ദുഃഖകരമായ ഒന്ന്‌ - തകരുന്ന കുടുംബബന്ധങ്ങൾ, കൂടുന്ന വിവാഹമോചനങ്ങൾ. ഒരു പക്ഷെ നമുക്കെല്ലാം അറിയുന്ന സത്യം. അല്ലെങ്കിൽ തുറന്നു ചർച്ച ചെയ്യാൻ നാമെല്ലാം വിമുഖത കാണിക്കുന്ന പ്രശ്നം.  ഇക്കഴിഞ്ഞ മാസം ഒരുപക്ഷെ നമ്മളെ ഞെട്ടിപ്പിച്ചിരിക്കാവുന്ന ഒരു വാർത്ത ദിനപ്പത്രങ്ങളിൽ വന്നിരുന്നു. കേരളത്തിലെ 28 കുടുംബകോടതികളിലായി വിധി കാത്തു കഴിയുന്നത്‌ 18,500 ൽ ഏറെ വിവാഹമോചന കേസുകളാണെന്ന്‌! ഇന്റർനെറ്റിന്റെയും, വാട്സാപ്പിന്റെയും ഒക്കെ ഈ കാലത്തു നമ്മളിൽ എത്ര പേർ ആ വാർത്ത വായിച്ചിട്ടുണ്ട്‌ എന്നറിയില്ല. അഥവാ, വായിച്ചിട്ടുണ്ടെങ്കിൽത്തന്നെ അതർഹിക്കുന്ന പ്രാധാന്യത്തോടെ അവലോകനം ചെയ്തിട്ടുണ്ട്‌ എന്നും തീർച്ചയില്ല. ഓർക്കുക, കോടതികളിൽ എത്തിയ കേസുക...

സ്വാഗതം...... പ്രിയ സുഹൃത്തെ, നമുക്കിവിടെ ആശയങ്ങൾ പങ്കു വയ് ക്കാം, സംവാദങ്ങളും വിമർശനങ്ങളും ആകാം ...... അർത്ഥപൂർണ്ണമായ ഒരു 'വിചാര വേദി' ആയി ഇതിനെ മാറ്റാം ...... സമൂഹത്തിനെ ബാധിക്കുന്ന ഏതു വിഷയവും നമുക്കിവിടെ ചർച്ച ചെയ്യാം ..... സ്വന്തം സർഗവാസനകളെ നമുക്കിവിടെ പരിപോഷിപ്പിക്കാം ...വിമർശനാത്മകമായി വിലയിരുത്താം ....... നമുക്കിടയിൽ രാഷ്ട്രീയമില്ല, മറ്റു വേർതിരിവുകളുമില്ല .... ഏവർക്കും സുസ്വാഗതം .....!! സ്നേഹത്തോടെ സ്വന്തം, ബിനു ================