ഒരായിരം നന്ദി ...... ("വേണ്ട നമുക്കിന്നു കപ്പ ... ..."എന്ന കവിതയെ സ്വീകരിച്ചതിന്)

പ്രിയപ്പെട്ടവരെ നമസ്കാരം.

ഞാൻ ബിനു മോനിപ്പള്ളി (ബിനു എം. പി @ FB ). 
ഇക്കഴിഞ്ഞ ദിവസം (ജനുവരി 13-2018) ഞാൻ എന്റെ ബ്ലോഗിൽ കുറിച്ച "മാറുന്നു നാം കേരളീയർ" എന്ന കവിത ("വേണ്ട നമുക്കിന്നു കപ്പ ... ..." എന്ന് തുടങ്ങുന്ന കവിത) ഒരുപാട് കമന്റുകളിലൂടെയും, ഷെയറുകൾ വഴിയും ഒരു വൻഹിറ്റ് ആക്കിമാറ്റിയ ഏവരോടുമുള്ള  നന്ദി അറിയിക്കുന്നു. 

ഒപ്പം ഒരു സന്തോഷ വാർത്ത കൂടി അറിയിയ്ക്കട്ടെ. നടൻ മാമുക്കോയ വഴിയും മറ്റ് പല സുഹൃത്തുക്കൾ വഴിയും ഈ കവിത അയച്ചു കിട്ടിയ, അനുഗ്രഹീത കലാകാരൻ ശ്രീ ഞെരളത്ത് ഹരിഗോവിന്ദൻ സർ ഇത് അതിമനോഹരമായി ആലപിച്ചിരിക്കുന്നു എന്നത് എനിക്ക് ലഭിച്ച ഏറ്റവും വലിയ ഒരു ബഹുമതി യായി, അംഗീകാരമായി ഞാൻ കണക്കാക്കുന്നു. അദ്ദേഹത്തിന് എന്റെ ഹൃദയം നിറഞ്ഞ നന്ദി...!!

നിങ്ങളിൽ പലരും വാട്സപ് വഴി അതു കേട്ടു കാണും എന്ന് കരുതട്ടെ. ഇഷ്ടമായി എന്നും......

നമ്മുടെ മാറുന്ന ആഹാരശീലങ്ങളിലെ അപകടം ഒന്ന് ഓർമ്മിപ്പിക്കുക എന്നതായിരുന്നു ഈ ചെറുകവിത വഴി ഞാൻ ഉദ്ദേശിച്ചത്. അത് നവ മാധ്യമങ്ങൾ ഏറ്റെടുത്തതിൽ അതിയായ സന്തോഷം.

എല്ലാവരോടുമുള്ള നന്ദി ഒരിക്കൽ കൂടി രേഖപ്പെടുത്തട്ടെ.

മുഴുവൻ കവിതക്കുമായി ബ്ലോഗ് പേജ് സന്ദർശിക്കുക:

http://binumonippally.blogspot.in/2018/01/blog-post.html



സ്നേഹാശംസകളോടെ
സ്വന്തം
ബിനു മോനിപ്പള്ളി (ബിനു എം. പി @ FB)