Vichaara Vedhi

ഏറ്റുമാനൂരിലെ തിരുവരങ്ങിൽ   [ഭക്തിഗാനം] [2020 നെ നമുക്കൊരു, ഏറ്റുമാനൂരപ്പ സ്തുതിയോടെ വരവേൽക്കാം ... ഓം നമ ശിവായ! ] ഏറ്റുമാനൂരിലെ തിരുവരങ്ങിൽ ഏറ്റുപാടാനൊരു നേരമൊത്താൽ ഏറ്റം സഫലമീ ജന്മ പുണ്യം ഏറ്റുമാനൂരുഗ്ര രുദ്രമൂർത്തേ ഏഴരപ്പൊന്നാന ദർശനത്താൽ ഏറ്റം നിറഞ്ഞൊരെന്നുള്ളിൽ നിന്നും ഏറ്റുമാനൂരപ്പാ നിൻ കീർത്തനം ഏറ്റുപാടാനൊന്നു നീ തുണയ്ക്ക ഏറെ പുകൾപെറ്റ *ശങ്കരന്നും ഏറെ നാൾ തങ്ങിയാ പുണ്യ മണ്ണിൽ ഏറെനാളൊന്നും നീ നൽകിടേണ്ട ഏറിയാലീരഞ്ചു നിമിഷം മതി ഏറുന്നഴലിനാൽ ജീവിതത്തിൻ ഏറ്റങ്ങളേറി കുഴഞ്ഞിടുമ്പോൾ ഏഴയാവോർക്കു നീ തുണയാകണേ ഏറ്റുമാനൂരപ്പാ കാത്തീടണേ ഏറുമീ ദുഃഖങ്ങൾ മാറ്റിയിട്ടാ ഏറുന്ന മോദം നിറച്ചു ഹൃത്തിൽ ഏറെ നാൾ കാക്കണേ തമ്പുരാനേ ഏറ്റുമാനൂരുഗ്ര രുദ്രമൂർത്തേ - ബിനു മോനിപ്പള്ളി ************* Blog:  https://binumonippally.blogspot.com ചിത്രത്തിന് കടപ്പാട് : ഗൂഗിൾ ഇമേജസ്  കുമാരി പൂർണിമ അശോക് പാടിയ ഈ ഗാനത്തിന്റെ ഓഡിയോ/വീഡിയോ പതിപ്പിന് താഴെ കൊടുത്തിരിയ്ക്കുന്ന ലിങ്കിൽ ക്ലിക് ചെയ്യുക. *ആദി ശങ്കരാചാര്യർ, ...

ദേശീയ രാമായണ മഹോത്സവം - ഉദ്‌ഘാടനം [ 2019 ഡിസംബർ 19 @  തിരുവനന്തപുരം] പ്രിയ സുഹൃത്തുക്കളെ, തുഞ്ചൻ ഭക്തിപ്രസ്ഥാന പഠനകേന്ദ്രത്തിന്റെ ആഭിമുഖ്യത്തിൽ, ഒരു വർഷം മുഴുവൻ നീണ്ടു നിൽക്കുന്ന   "ദേശീയ രാമായണ മഹോത്സവ" ത്തിന്, (2019 ഡിസംബർ 19) തിരുവനന്തപുരം ടാഗോർ തീയേറ്ററിൽ നടന്ന ചടങ്ങിൽ ഔപചാരികമായ തുടക്കം കുറിച്ചു. രാഷ്ട്രീയ സാമൂഹിക രംഗത്തെ പ്രമുഖരും, പണ്ഡിത ശ്രേഷ്ഠരും പങ്കെടുത്ത പ്രസ്തുത പരിപാടി, രാവിലെ 10:30 ന് 51 നിലവിളക്കുകൾ തെളിയിച്ചാണ് ആരംഭിച്ചത്. സ്വാഗത പ്രസംഗത്തിൽ, തുഞ്ചൻ ഭക്തിപ്രസ്ഥാന പഠനകേന്ദ്രത്തിന്റെ സെക്രട്ടറി ശ്രീ രംഗനാഥൻ , സംഘടനയുടെ ഉദ്ദേശലക്ഷ്യങ്ങൾ വിശദീകരിച്ചു. ആദരണീയ അശ്വതി തിരുനാൾ ലക്ഷ്മിഭായ് തമ്പുരാട്ടി നിലവിളക്കു തെളിയിച്ച് ചടങ്ങിന്റെ ഔപചാരിക ഉദ്ഘാടനം നിർവഹിച്ചു. ശ്രീപത്മനാഭസ്വാമി ക്ഷേത്രവും, രാമായണവും, രാമനും തമ്മിലുള്ള, അധികമാരും ചർച്ച ചെയ്യാത്ത അഥവാ അറിയപ്പെടാത്ത ചില കാര്യങ്ങളാണ് ഈ അവസരത്തിൽ തമ്പുരാട്ടി പങ്കുവച്ചത്. രാമാവതാരത്തിനു തൊട്ടുമുൻപ്, യോഗനിദ്രയിലാണ്ട  മഹാവിഷ്ണുവത്രെ  നമ്മൾ...

പ്രിയരേ, നാടും, നഗരവും, ദേശവും, ലോകവുമൊക്കെ അശാന്തിയുടെ തീരങ്ങളിലേക്കുള്ള, അതിവേഗ യാത്രയിലാണിന്ന്. ശാന്തിയുടെ ചെറുതുരുത്തുകൾ അകലങ്ങളിൽ മറയുന്ന ഒരു 'കെട്ട കാല'ത്താണ് ഞാനും നിങ്ങളുമൊക്കെ ജീവിയ്ക്കുന്നത്. അതുകൊണ്ടു തന്നെ ഓർക്കുക, ഇനി ശാന്തിയുടെ ശുഭ്രനക്ഷത്രങ്ങൾ വിരിയേണ്ടത് നമ്മുടെയൊക്കെ മനസിനുള്ളിൽ അഥവാ ഹൃദയത്തിനുള്ളിൽ ആണ്. അല്ലെങ്കിൽ, അതു മാത്രമാണ് ഇനി ബാക്കിയാവുന്ന ഒരേയൊരു പ്രതീക്ഷ... !! എന്റെയും നിങ്ങളുടെയും ഉള്ളിൽ, ആരോടൊക്കെയോ എന്തിനോടൊക്കെയോ ഉള്ള പകയുടെയും, വെറുപ്പിന്റെയും, വിദ്വേഷത്തിന്റേയുമൊക്കെ ചെറുനാമ്പുകൾ എപ്പോഴൊക്കെ ഉടലെടുക്കുന്നുവോ .... അപ്പോഴൊക്കെ, തന്റെ കുഞ്ഞിളം ചുണ്ടുകൾ വിടർത്തി, കൈകാലുകൾ കുടഞ്ഞു കണ്ണിറുക്കി ചിരിയ്ക്കുന്ന, ആ ഉണ്ണിയേശുവിന്റെ രൂപം ഒരുവേള നമ്മൾ മനസ്സിൽ കാണുക... ലോകനന്മക്കായി, മുൾക്കിരീടം സ്വന്തം തലയിൽ ഏറ്റുവാങ്ങിയ, കുരിശുമരണം സ്വയം വരിച്ച, ആ ലോക രക്ഷകന്റെ രൂപം ഓർമ്മിയ്ക്കുക ... ആ ഓർമ്മയിൽ, നമ്മുടെ ഉള്ളിലെ എല്ലാ കന്മഷങ്ങളും കഴുകിക്കളയുക ... പ്രിയപ്പെട്ട എല്ലാ സുഹൃത്തുക്കൾക്കും, അവരുടെ കുടുംബാംഗങ്ങൾക്കും ...ശാന്തിയുടെ, സമാധാന...

വായിച്ചറിയുവാൻ, മാലിക്കുഴി എഴുതുന്നത്     [എഴുത്തുകുത്ത്] എത്രയും ബഹുമാനപ്പെട്ട ... പൊതുജനം എന്ന പൊതുസുഹൃത്തുക്കൾ വായിച്ചറിയുവാൻ, നെഞ്ചുപൊട്ടുന്ന സങ്കടത്തോടെ ആണ് ഞാൻ ഈ കത്തെഴുതുന്നത്. ഇത് ഞാനാണ് മാലിക്കുഴി. മനസ്സിലായോ?  അയ്യോ .... ഇല്ലേ? ഞാൻ എന്റെ ഒരു സങ്കടം അറിയിയ്ക്കാൻ വന്നതായിരുന്നു. പക്ഷേ നിങ്ങൾക്കെന്നെ അറിയില്ല എന്നു പറഞ്ഞ സ്ഥിതിയ്ക്ക്, ആദ്യം ഞാൻ എന്നെ ഒന്നു പരിചയപ്പെടുത്താം. എന്റെ കഥയും ചുരുക്കി പറയാം.  തിരുവനന്തപുരത്തുകാർക്ക് അറിയാം കുമാരപുരം എന്ന സ്ഥലം. ആന്നെ... ആ മെഡിക്കൽ കോളേജ് ഒക്കെ ഉള്ള സ്ഥലം.   അവിടെയുള്ള മാലിദ്വീപ് കോൺസുലേറ്റില്ലേ? ആ കോൺസുലേറ്റിനു മുന്നിലെ റോഡിൽ, വലിയൊരു കുഴി കണ്ടിട്ടില്ലേ നിങ്ങൾ? ആ... ആ കുഴിയാണ് ഈ ഞാൻ. എന്നെ എല്ലാവരും സ്നേഹത്തോടെ "മാലിക്കുഴി" എന്നാണ് വിളിയ്ക്കുന്നത്.  പണ്ടുണ്ടല്ലോ, ഞാൻ ആരും കാണാത്ത വളരെ ചെറിയൊരു കുഴിയായിരുന്നു. അന്നൊക്കെ എന്റെ കൂട്ടുകാർ എല്ലാവരും, എന്നെ ഒരുപാട് കളിയാക്കിയിരുന്നു. കരഞ്ഞുകരഞ്ഞ് സങ്കടപ്പെട്ടിരുന...

അയ്യാമ്മെ  ഡോങ്കി [കളിയോർമ്മകൾ - 2] [ മുൻകുറിപ്പ് : വിശദമായ ഒരു വായനയ്ക്ക് സമയമില്ലാത്തവർക്ക്, ഈ ലേഖനത്തിന്റെ ശബ്ദചിത്രം യൂട്യൂബ് വഴി   https://youtu.be/-eqdtgxMuw0   ലിങ്കിൽ കേൾക്കാവുന്നതാണ്] അടി ... തമരടിയ്ക്കണ കാലമായടീ തീയ്യാമ്മേ..... കാശിന്റെ ക്ഷാമം തീർന്നെടീ തീയ്യാമ്മേ.... തമരടിയ്ക്കണ കാലമായടീ തീയ്യാമ്മേ .... കാശിന്റെ ക്ഷാമം തീർന്നെടീ തീയ്യാമ്മേ.... . ഈ പാട്ടാവും, ഈ ലേഖനത്തിന്റെ തലക്കെട്ട് കണ്ടപ്പോൾ നിങ്ങൾക്ക് ഓർമ്മ വന്നിട്ടുണ്ടാവുക അല്ലേ ഇക്കാ? എന്നാലേ .... ഞാൻ ഒരു സത്യം പറയട്ടെ. നമ്മുടെ ഈ "അയ്യാമ്മേ"യ്ക്ക് ആ "തീയ്യാമ്മേ"യും ആയി യാതൊരു ബന്ധവും ഇല്ല കേട്ടോ. "ശ്ശേ ... ഇതിപ്പം ആകെ കൺഫ്യൂഷൻ ആയല്ലോ ...."  "... എന്താണിപ്പം ഈ 'അയ്യാമ്മെ' ... എന്നല്ലേ ?" "ആ ..ആണ്ന്ന് ..." "... ങ്ങള് ബേജാറാവണ്ടന്നെ .. ഞാൻ ങ്ങട്ട് വിശദായി പറയാൻ പോണന്ന്..." "ദേ ..മനുഷനെ  ഒരു മാതിരി മക്കാറാക്കാണ്ട് ഒന്നങ്ങു പറയ്ന്ന് ...." "അതേ ... ഞാൻ കഴിഞ്ഞ മാസം ഒരു 'കളിയോർമ്മകൾ' എഴുതിയത് ഓർമയു...

നവകേരളം [കവിത] തല കുനിച്ചല്ലേ നടക്കുന്നു ഞാനിന്നു  കേരളക്കരയിലെ പാതകളിൽ  എന്തേ ഇതിങ്ങനെ ആയിടുന്നെന്നോർത്തു  ചിന്തിയ്ക്കയാലല്ലതോർത്തീടണം   ലജ്ജ കൊണ്ടും, പിന്നെ ഹാനി മൂലം  എങ്ങോ ഒളിച്ചോരെൻ മാനമാലും  ശിരസ്സൊന്നുയർത്തുവാൻ ത്രാണിയില്ലാ- തന്തിച്ചു കുന്തിച്ചു ഞാൻ നടപ്പൂ  അരുണന്റെ കിരണങ്ങൾ ചോപ്പുചാർത്തേ  ഭീതിയാണിന്നെന്തു വാർത്തയാവും മുറ്റത്തു വീണൊരാ ദിനപത്ര താൾ  കൺമുന്പിലെത്തിയ്ക്കയെന്നതോർത്ത്    കള്ളുമണത്തൊരാ വാളയാറി- ന്നുള്ളം പിടയ്ക്കുന്ന വിങ്ങലായി  നക്സലായ് തീരുന്നതെന്തേ ചിലർ  ഉത്തരം കിട്ടാനെളുപ്പമായി  സ്കൂളിൽ നിന്നങ്ങു മടങ്ങും വഴി  ഓടിയടുത്തിട്ടു വേട്ടനായ്ക്കൾ   പച്ചയ്ക്ക് തിന്നു മദിച്ചു പോലും  കൗമാരക്കാരിയാം ഇരയൊന്നിനെ   മദ്യത്തിനായ് തുക നൽകിടാത്തോ-  രമ്മയെ കാലന്നു നൽകീടുവാൻ  ഒട്ടും മടിയ്ക്കാത്ത മക്കളാലെ  സമ്പന്നമാകുന്നു കേരനാട് ! മുക്കിന്നു ബാറുകൾ നൽകി...