Vichaara Vedhi

  സ്ത്രീധനം [കവിത] സ്ത്രീയാണ് ധനമെന്നു പറയും, പിന്നെ സ്ത്രീധനം വിലപേശി വാങ്ങും  പുറമേയ്ക്ക് മാന്യരായ് ചമയും ഉള്ളിൽ കാടത്തമൂട്ടി നിറയ്ക്കും  പേവെള്ളം ഇത്തിരി ചെന്നാൽ   നാവിൽ വിളയാടിയാടിടും തെറികൾ  പിന്നെ ഉറഞ്ഞങ്ങു തുള്ളി, പാവം  പാതിയെ തല്ലിച്ചതയ്ക്കും  പച്ചയ്ക്കു കത്തിച്ചു തീർക്കാം  പാമ്പിനെ കൊത്തിച്ചുമാകാം  വീട്ടുകാർ പോലുമീ കാടർക്കൊ- പ്പമാണെന്നതാണിന്നു  കഷ്ടം  എന്തൊക്കെയാകിലും നമ്മൾ  ഇനിയുമാ മേനി നടിയ്ക്കും  "ദൈവത്തിൻ സ്വന്തമീ നാട്,  സംസ്ക്കാര സമ്പന്ന ജനത ..!"                             * * * ഇവ്വിധം പൊലിയേണ്ടതാണോ  ധന്യ, പെൺജന്മമീ കേരനാട്ടിൽ? എവ്വിധം കൈപിടിച്ചേകും,  അരുമയായ് കാത്തോരു മകളെ? ഇല്ലെനിയ്ക്കേകുവാൻ മകളേ  കേവല, വാക്കിന്റെ മൂർച്ചയല്ലാതെ  "നീ നിന്റെ കാലിലുറയ്ക്ക, പിന്നെ  മംഗല്യവതിയായി വാഴ്ക" സമർപ്പണം :  സ്ത്രീധനത്തിന്റെ പേരിൽ സ്വജീവൻ ബലിയർപ്പിയ്ക്കേണ്ടി വന്ന, ഹതഭാഗ്യരായ മുഴുവൻ പെൺകു...

ഓർമ്മക്കൊതുമ്പിൽ .... ഈ പായൽപ്പരപ്പിൽ .... [യാത്രാ വിവരണം] എന്നാൽ പിന്നെ, നമുക്ക് ഈ യാത്രയങ്ങ് ആരംഭിച്ചാലോ?  നമ്മുടെ ആ പതിവ് സമയം ഇത്തവണയും തെറ്റിയ്ക്കണ്ട. എന്താ? അതായത് വെളുപ്പിന് 5:30. അനന്തപുരിയിലെ ആ ഡിസംബർ വെളുപ്പിന് അന്ന് (11-ഡിസംബർ-2021)  പതിവിലും കൂടുതൽ കുളിരായിരുന്നു.ഒരുപക്ഷേ, അങ്ങനെയാവുമ്പോൾ, ഞങ്ങൾ കുറച്ചുകൂടി സമയം, മൂടിപ്പുതച്ചുറങ്ങുമോ എന്നറിയാൻ വേണ്ടിയാവും. എവിടെ? നമ്മളോടാ കളി? മാത്രവുമല്ല, ഈയൊരു യാത്രയിൽ, ഒരുപാട് നാളായി ഞങ്ങൾ കാത്തുകാത്തിരിയ്ക്കുന്ന ആ ഒരു ശുഭമുഹൂർത്തവും ഉണ്ടല്ലോ. ഏറെക്കാലമായി മനസ്സിൽ കൊണ്ടുനടന്നിരുന്ന, 'ഐഡിയൽ ഫ്രണ്ട്‌സ്' എന്ന ഞങ്ങളുടെ ആ കുഞ്ഞുകൂട്ടായ്മയുടെ ഒത്തുചേരൽ.  എന്നും, തമ്മിൽ വാട്സാപ്പിൽ സംസാരിയ്ക്കാറുണ്ട് എങ്കിൽപ്പോലും, ഞങ്ങളിൽ ചിലരൊക്കെ നേരിലൊന്നു കണ്ടിട്ട്, ഏതാണ്ട് 25 വർഷങ്ങളിലേറെ  കഴിഞ്ഞിരിയ്ക്കുന്നു. അപ്പോൾ പിന്നെ, ആ ത്രില്ലിൽ, ഈ തണുപ്പൊക്കെ ഒരു തണുപ്പാണോ? പ്രഭാതകൃത്യങ്ങൾക്കു ശേഷം, ശരീരത്തിൽ ബാക്കിയുണ്ടായിരുന്ന ആ കുളിരിനെക്കൂടി അകറ്റാൻ, തണുതണുത്ത വെള്ളത്തിൽ ഒരു കുളി. തനു ത...

പതിനെട്ടിൻ പെരുമ    [ഹൈന്ദവ പുരാണങ്ങളിലൂടെ - 6 ] "ഹൈന്ദവ പുരാണങ്ങളിലൂടെ" എന്ന പരമ്പരയിലെ ഈ ആറാം ഭാഗത്തിൽ  നാം കാണാൻ പോകുന്നത് പതിനെട്ടിനെ കുറിച്ചാണ്; പേരിലൊതുങ്ങാത്ത അതിന്റെ  പെരുമയെ കുറിച്ചാണ്. കേൾക്കുമ്പോൾ 18 എന്നത്, വെറുമൊരു സംഖ്യ മാത്രമാണ്. അല്ലേ? എന്നാൽ, അതിനപ്പുറം, ഹൈന്ദവ പുരാണങ്ങളിൽ, അതിന് മറ്റെന്തൊക്കെയോ ചില പ്രാധാന്യങ്ങളില്ലേ? ഉണ്ടോ എന്ന് നമുക്കൊന്ന് വിശദമായി നോക്കിയാലോ? അതും ഓരോന്നായി. 1. പതിനെട്ടും ശബരിമലയും: പതിനെട്ട് എന്ന് കേൾക്കുമ്പോൾ തന്നെ, ഒരു മലയാളിയുടെ മനസ്സിലേയ്ക്ക് ആദ്യം ഓടിയെത്തുന്നത്, ശബരിമലയും അവിടുത്തെ പതിനെട്ടാംപടിയും  തന്നെയാണ്.  ശബരിമലയുമായി ബന്ധപ്പെട്ട് 18 ന് രണ്ട് ഐതിഹ്യങ്ങൾ കേൾക്കുന്നു.  പുണ്യപതിനെട്ടാംപടി പ്രതിനിധീകരിയ്ക്കുന്നത് ചുറ്റുമുള്ള 18 മലനിരകളെ ആണത്രേ. [പൊന്നമ്പലമേട്, ഗൗഡൻമല, നാഗമല, സുന്ദരമല, ചിറ്റമ്പലമല, ഖൽഗിമല, മാതംഗമല, മൈലാടുംമല, ശ്രീപാദമല, ദേവർമല, നിലക്കൽമല, തലപ്പാറമല, നീലിമല, കരിമല, പുതുശ്ശേരിമല, കാളകെട്ടിമല, ഇഞ്ചിപ്പാറമല, ശബരിമല എന്നിവയാണ് ആ പതിനെട്ടു മലകൾ]. അതുകൊണ്ടു തന്നെ, ഒരു...

മുല്ലപ്പെരിയാർ ഒരു അണക്കെട്ട്  മൂന്ന് സർക്കാരുകൾ  അനേകം കോടതികൾ  ആഘോഷമാക്കാൻ ചാനലുകൾ  ജീവഭയത്തിൽ ലക്ഷങ്ങൾ ......!! ആരാണ് ഉത്തരവാദി? അല്ലെങ്കിൽ ഉത്തരവാദികൾ ? ആലോചിയ്ക്കാൻ, തീരുമാനിയ്ക്കാൻ .. ആർക്ക് സമയം ....? നമ്മൾ ഓടുകയല്ലേ? വെട്ടിപ്പിടിയ്ക്കാൻ .... പിന്നെ, ഇരിയ്ക്കുന്നതും കയ്യിലുള്ളതും  പോകാതിരിയ്ക്കാൻ... ഓട്ടത്തിനിടയിൽ  ഒന്ന് തിരിഞ്ഞു നോക്കണം ... അവൻ ആർത്തലച്ചു പുറകെയുണ്ടെങ്കിൽ?  പിന്നെ, ഓടേണ്ടതില്ലല്ലോ ...!! പിൻകുറിപ്പ്: ഇതൊരു കവിതയല്ല. ഇന്ന് (ഡിസം: 7-2021) രാവിലെ കണ്ണിൽ പെട്ടത് ഇടുക്കി അണക്കെട്ട് തുറന്ന വാർത്ത. കൂടെ അധികാര സ്ഥാനങ്ങളിലെ ചിലരുടെ (പതിവ്) വൃഥാ ന്യായീകരണങ്ങളും. അതിനോടുള്ള ഒരു മലയാളി മനസ്സിന്റെ പ്രതികരണം; അല്ല.... വ്യാകുലതകൾ മാത്രം... !! ************** Blog:   www.binumonippally.blogspot.com Youtube:   Binu M P FB:   Binu Mp Binu Monippally *ചിത്രങ്ങൾക്ക് കടപ്പാട്: ഗൂഗിൾ ഇമേജസ് 

പങ്കുവയ്ക്കലിന്റെ ആദ്യ പാഠം [ഓർമ്മക്കുറിപ്പ്] ഇതൊരു ഓർമ്മക്കുറിപ്പാണ്. അതുകൊണ്ടു തന്നെ, ഒരല്പം പഴക്കമുള്ളതും. നാലിലോ അഞ്ചിലോ പഠിയ്ക്കുന്ന കാലം. അന്നൊക്കെ വേനൽ കടുത്താൽ പിന്നെ, ഞങ്ങളുടെ ഗ്രാമത്തിൽ വെള്ളത്തിന് നന്നേ ക്ഷാമമാണ്. ഞങ്ങളുടെ ഗ്രാമം എന്ന് പറഞ്ഞാൽ, ഒരു പക്ഷേ ഇപ്പോൾ, നിങ്ങളറിയും കോട്ടയം ജില്ലയിലെ  മോനിപ്പള്ളി.  ആ സമയത്ത്, നാട്ടിലെ കിണറുകൾക്കൊപ്പം, കുളങ്ങളും വറ്റും. വൈകിട്ട് സ്‌കൂൾ വിട്ടെത്തി, ഒരു ചായയൊക്കെ കുടിച്ചു കഴിഞ്ഞാൽ, ഏതാണ്ട് അഞ്ചു മണിയോടെ, കുളിയ്ക്കാനുള്ള യാത്രയിലാകും ഞങ്ങൾ. സുമാർ 1.5 കിലോമീറ്റർ അകലെയുള്ള, അരീക്കര ശ്രീകൃഷ്ണസ്വാമി ക്ഷേത്രക്കുളമാണ് ലക്ഷ്യം. ഞങ്ങൾ 'ചിറ' എന്നാണ് അതിനെ  വിളിയ്ക്കുന്നത്. തെളിനീർ നിറഞ്ഞ, ഒഴുക്കുള്ള,  അതിവിശാലമായ കുളം. മൂന്ന് കുളിക്കടവുകൾ ആണുള്ളത്. അതിൽ ഒരെണ്ണം സ്ത്രീകൾക്ക്. ആ വൈകുന്നേരയാത്ര ഒരു ആഘോഷമായിരുന്നു കേട്ടോ. ഞങ്ങളുടെ വീട്ടിൽ നിന്നും, ഞാനും മുത്തച്ഛനും, കൊച്ചച്ഛനും ഉണ്ടാകും. പിന്നെ അടുത്ത വീടുകളിൽ നിന്നുമുള്ള കൂട്ടുകാരും, അവരുടെ അച്ഛന്മാരും, ചേട്ടന്മാരും ഒക്കെ കാണും. ചെറു ചെറു കൂട്ടങ്ങളായി നിറയെ വർത...

കലി തൻ അപഹാര കാലം [കവിത] കദനങ്ങൾ ഏറുന്ന കാലം  കണ്ണീരുണങ്ങാത്ത കാലം  കരളിൽ കനം തിങ്ങും കാലം  കലി തൻ അപഹാര കാലം  പ്രളയങ്ങളേറുന്ന കാലം  പ്രണയങ്ങൾ മാറുന്ന കാലം  വനമിങ്ങു കുറയുന്ന കാലം  വനമുള്ളിൽ വളരുന്ന കാലം  ക്ഷമയിങ്ങു കുറയുന്ന കാലം  പകയങ്ങു കൂടുന്ന കാലം  ചിരിയങ്ങു മറയുന്ന കാലം  ചരസ്സാകെ നിറയുന്ന കാലം  തോണ്ടിച്ചുരുങ്ങുന്ന കാലം  തോണ്ടി രമിയ്ക്കുന്ന കാലം  പീഡനമേറുന്ന കാലം  'മുഖപത്ര' പൂരിത കാലം  'മാവുള്ളോർ' വാഴുന്ന കാലം  മണ്ടർ കുമ്പിട്ടു നിൽക്കുന്ന കാലം  വാളാൽ പിടയ്ക്കുന്ന കാലം  വാൾ വച്ച് നാറുന്ന കാലം കിറ്റിൽ ജയിച്ചോരു കാലം  കിറ്റാൽ സുഖിച്ചോരു കാലം  കിറ്റ് കാണാത്തൊരീ കാലം  'കൈറ്റാ'*യി അലയുന്ന കാലം  പേമാരി നിറയുന്ന കാലം  മാരി മോന്തക്കുടുക്കിട്ട കാലം  കാലം പിഴച്ചോരു കാലം  കലി തൻ അപഹാര കാലം !! - ബിനു മോനിപ്പള്ളി ************** Blog:   www.binumonippally.blogspot.com Youtube:   Binu M P FB:   Binu Mp Binu Monippally *കൈറ്റ്= പട്ട...

നാട്, തോട്, പിന്നെ .... ഭാഷ  [കവിത] "നാടു മുടിഞ്ഞേ, നാടു മുടിഞ്ഞേ ....." കേഴുവതെല്ലാരും നാടിനു വേണ്ടിയിട്ടെന്തൊക്കെ ചെയ്തുവെന്നോർക്കുവതില്ലാരും വീടു നന്നാക്കുവാൻ നാടിനെ വിട്ടെന്നു ന്യായം പറഞ്ഞവർ നാം വീടും വിട്ടിന്നങ്ങു തൻകാര്യം നോക്കുന്ന സ്വാർത്ഥരായ് മാറിയോർ നാം ! "തോടു നികന്നേ, തോടു നികന്നേ...." കരയുവതെല്ലാരും തോടിനു വേണ്ടി നാം എന്തൊക്കെ ചെയ്തുവെന്നോർക്കുവതില്ലാരും  മാളിക കെട്ടുവാൻ തോട് നികത്തിയോർ തൂകുന്ന കണ്ണുനീരിൻ ഉപ്പുരസത്തിന്റെ ഗാഢത നോക്കുന്ന മണ്ടരായ് മാറിയോർ നാം! "ഭാഷ ക്ഷയിച്ചേ, ഭാഷ ക്ഷയിച്ചേ...." തേങ്ങുവതെല്ലാരും ഭാഷയെ പോറ്റുവാൻ എന്തൊക്കെ ചെയ്തുവെന്നോർക്കുവതില്ലാരും 'പെറ്റമ്മ'യെന്നോതി കൂട്ടിലടയ്ക്കുകിൽ ഭാഷ വളരുകില്ല ആംഗലേയത്തിന്റെ അറ്റത്തു കെട്ടുവാൻ ഭാഷയെ കൊല്ലുവോർ നാം! ഏറെപ്പറയുവാൻ മോഹമുണ്ടെങ്കിലും ഒട്ടു കുറച്ചിടുന്നു കൂട്ടത്തിൽപ്പെട്ടവനെന്നുള്ള ചിന്തയിൽ നെഞ്ചകം പൊള്ളിടുന്നു! നാടുകരയുമ്പോൾ കൂടെക്കരയുവാൻ പോലുമശക്തനിന്നീ- നാടിന്റെ ദുർഗ്ഗതിയ്ക്കെങ്ങിനെയൊക്കെയോ ഹേതുവായ്‌ തീർന്നു ഞാനും !! - ബിനു ...

ആഹാ ....ചൊറിയാനെന്തു സുഖം ..!! [ലേഖനം] ഒരിയ്ക്കൽ, അതിപ്രശസ്തനും, അതിലേറെ രസികനുമായ, ഒരു വിശിഷ്ട അതിഥിയുമായുള്ള  അഭിമുഖം നടക്കുകയായിരുന്നു. പരിപാടി, ഏതാണ്ട് അവസാന ഭാഗത്തോടടുക്കുന്നു.   അവതാരകൻ: സാർ ... ഇത്രയും നേരം ഞങ്ങളോട് സംവദിച്ച അങ്ങേയ്ക്ക് ഒരായിരം നന്ദി. അവസാനമായി, ഒരൊറ്റ ചോദ്യം കൂടി. ജീവിതത്തിൽ അങ്ങ് ഏറ്റവും ആസ്വദിച്ച് ചെയ്യുന്നത്, എന്താണ്? അതിഥി: അത് .... അർധോക്തിയിൽ ഒന്ന് നിർത്തിയ, അതിഥിയുടെ മുഖത്ത് ഒരു ഗൂഢസ്മിതം തെളിഞ്ഞു. അപകടം മണത്ത അവതാരകൻ, ചെറിയ ജാള്യതയോടെ ഉടൻ ഇടപെട്ടു. അവതാരകൻ: അല്ല സാർ ...ഞാൻ ഉദ്ദേശിച്ചത്...  വായന, എഴുത്ത്, സംഗീതം, കായിക വിനോദങ്ങൾ, യാത്ര ..... ഇങ്ങിനെയൊക്കെ ഉള്ളവയിൽ വച്ച്, സാർ ഏറ്റവും നന്നായി ആസ്വദിയ്ക്കുന്നത്, ഏതാണ്? അഥവാ എന്താണ്? എന്നാണ്. അതിഥി: അതെ.... അതെ ... അതുതന്നെയാണ് ഞാൻ പറയാൻ വന്നത്... ഞാൻ ഏറെ ആസ്വദിയ്ക്കാറുള്ളത് സത്യത്തിൽ ഇതൊന്നുമല്ല.... എന്റെ ശരീരത്തിലെ ആ നിമ്നോന്നതങ്ങളിൽ എവിടെയെങ്കിലും ഒരു ചൊറിച്ചിൽ വരുമ്പോൾ, എല്ലാം മറന്ന്, എല്ലാരേം മറന്ന്, സകല പരിസരോം മറന്ന്, ഈ ലോകം തന്നെ മുഴുവനായ...