Vichaara Vedhi

ദിനപത്ര വാർത്തകളുടെ ഉള്ളടക്കം പ്രിയപ്പെട്ട വായനക്കാരെ, ഈ കുറിപ്പിന്റെ കൂടെ ചേർത്തിരിയ്ക്കുന്ന ചിത്രം ഒന്ന് ശ്രദ്ധിയ്ക്കുക. മലയാളി വനിതകൾക്ക് ആദരം അർപ്പിച്ചു കൊണ്ട്, അങ്ങ് അയർലണ്ടിൽ പുറത്തിറങ്ങിയ ഒരു പുതിയ 'ജിന്നി'നെ കുറിച്ച്, മലയാളത്തിലെ ഒരു പ്രമുഖ ദിനപത്രം ഇന്ന് (29-ജൂലൈ-2020) അവരുടെ ഒന്നാം പേജിൽ നൽകിയ ഒരു വാർത്ത ആണിത്. അത് കണ്ടപ്പോൾ ചില ചോദ്യങ്ങൾ അറിയാതെ മനസ്സിൽ ഉയർന്നു. 1. ഒന്നാം പേജിൽ ഇത്ര പ്രാധാന്യത്തോടെ കൊടുക്കേണ്ട ഒരു 'വാർത്ത' ആണോ ഇത്? അതോ പരസ്യമോ? 2. മലയാളി വനിതകൾക്ക് ആദരം അർപ്പിയ്‌ക്കേണ്ടത് ഒരു മദ്യക്കുപ്പിയിൽ ഇങ്ങിനെ എഴുതി വച്ചാണോ? ഇനി ആ മദ്യത്തിന്റെ നിർമ്മാതാക്കൾ അവരുടെ വിപണനതന്ത്രത്തിന്റെ ഭാഗമായി അങ്ങിനെ എഴുതി വച്ചാൽ തന്നെ, അതൊരു വലിയ 'വാർത്ത' ആയി നമ്മുടെ മലയാള പത്രങ്ങൾ ഉയർത്തിക്കാണിയ്ക്കാമോ? [മറ്റു ചില മലയാള പത്രങ്ങളിലും ഇന്ന് ഈ വാർത്ത ഉണ്ട്; പക്ഷേ, ഒന്നാം പേജിൽ അല്ല എന്ന് മാത്രം]. 3. ഈ വാർത്തയിലെ "മോക്ഷകവാടം തുറന്നാൽ ...." എന്ന് തുടങ്ങുന്ന വാചകം നോക്കുക. ഇത് ഒരു പത്രവാർത്തയ്ക്കോ അതോ ഒരു ഭാവനാസൃഷ്ടിയ്ക്കോ കൂടുതൽ ചേർന്നത്...

WFH കാലത്തെ മാനസിക സമ്മർദ്ദങ്ങൾ - എങ്ങിനെ നേരിടാം? അതേയ് ... പെട്ടെന്ന് പ്രായം കൂടി  എന്ന് നിങ്ങൾക്കു തോന്നുന്നുണ്ടോ ? ഇടയ്ക്കിടെ പോയി കണ്ണാടി നോക്കാറുണ്ടോ ? മുഖത്ത്, കണ്ണിനു താഴെ ആയി ഉള്ള ആ കറുപ്പ് നിറം കുറച്ചു കൂടിയോ ? പഴയതു പോലെ പുരികങ്ങൾ ഷേപ്പ് ആക്കാൻ  ഒരു ഉത്സാഹം ഇല്ല ...അല്ലെ ? അല്ല... നിങ്ങളാണെങ്കിൽ ഷേവ് ചെയ്തിട്ട് ദിവസങ്ങൾ ആയല്ലോ .. മുടി വല്ലാതെ നീണ്ടിരിയ്ക്കുന്നു ആകെ വല്ലാത്ത ഒരു മുഷിവു തോന്നുന്നുണ്ടല്ലേ? പെട്ടെന്ന് ഒറ്റപ്പെട്ടതു പോലെ ഒരു തോന്നൽ ? കൂട്ടുകാരെ ഒന്ന് കാണാൻ ...കുറച്ചു പരദൂഷണമെങ്കിലും ഒന്ന് പറയാൻ ... വല്ലാത്ത ഒരു മോഹം ...? ഓഹ് .. ഈ വാട്സപ്പ് പോലും അങ്ങ് മടുത്തു തുടങ്ങി..അല്ലെ ? ആകെ മൊത്തം ടോട്ടലി ..... വല്ലാത്ത ഒരു ടെൻഷൻ.. ..? ============= ഈ പറഞ്ഞതിൽ ചിലതോ അല്ലെങ്കിൽ പലതോ, നിങ്ങളുടെ കാര്യത്തിൽ ശരിയാണോ? ആണെങ്കിൽ, അതിനർത്ഥം നിങ്ങൾക്ക് പ്രായം കൂടി എന്നു തന്നെയാണ് .. ഏഹ്.... അതെങ്ങിനെ പെട്ടെന്ന് പ്രായം കൂടും, എന്നാണോ ...? സംഗതി ശരിയാണ് .. പക്ഷെ ആ പ്രായം ശരീരത്തിനല്ല കൂടിയത് ..നിങ്ങളുടെ മനസിനാ...

താരകം തന്നെ, ഈ താര [രാമായണം - അറിയപ്പെടാത്ത കഥാപാത്രങ്ങൾ : ഭാഗം-3] കഥാപാത്ര പരിചയം: താര - ബലവാനായ വാനര രാജൻ ബാലിയുടെ പ്രിയപത്‌നി. പറയുമ്പോൾ ഒരു വാനര രാജ്ഞിയെങ്കിലും, രാമായണത്തിൽ കുറച്ചേറെ പ്രാധാന്യമുള്ള ഒരു കഥാപാത്രം തന്നെയാണ് ഈ താര. രാമായണ മഹാകാവ്യത്തിൽ, മൂന്ന് അവസരങ്ങളിലാണ് താരയെ നമുക്ക് കാണാൻ കഴിയുന്നത്. ഒന്ന്:  ബാലീ-സുഗ്രീവ യുദ്ധത്തിന്റെ ഒന്നാം പാദത്തിലെ പരാജയത്തിന് ശേഷം, ശ്രീരാമ പിന്തുണയുടെ ബലത്തിൽ, സുഗ്രീവൻ വീണ്ടുമൊരു യുദ്ധത്തിനായി ബാലിയെ വെല്ലുവിളിയ്ക്കുമ്പോൾ, സ്വന്തം ഭർത്താവിനെ  തടയുന്ന താര. രണ്ട്:   ബാലിവധത്തിനു ശേഷം ശ്രീരാമനെ നേരിൽ കാണുന്ന നിരാശയായ, എന്നാൽ ധൈര്യവതിയായ താര. മൂന്ന്:  തന്റെ രാജാഭിഷേകത്തിനു ശേഷം സുഗ്രീവൻ, സീതാന്വേഷണത്തിൽ  വേണ്ടത്ര ശുഷ്‌കാന്തി കാണിയ്ക്കുന്നില്ല എന്ന കാരണത്താൽ, സുഗ്രീവനെ നിഗ്രഹിയ്ക്കുന്നതിനായി എത്തുന്ന, അതികോപാകുലനായ ലക്ഷ്മണനെ, തന്റെ നയചാതുരിയാൽ ശാന്തയാക്കുന്ന താര. വിശകലനം/ വ്യാ ഖ്യാനം: മഹാസിംഹനാദം പുറപ്പെടുവിച്ച്, കിഷ്ക്കിന്ദാപുരദ്വാരത്തിൽ നിന്നു കൊണ്ട്...

സുമിത്ര - ത്യാഗത്തിന്റെയും, സ്നേഹത്തിന്റെയും ഒരമ്മ [രാമായണം - അറിയപ്പെടാത്ത കഥാപാത്രങ്ങൾ : ഭാഗം-2 ] കഥാപാത്ര പരിചയം: സുമിത്ര - രാമായണത്തിലെ, അത്രയൊന്നും അറിയപ്പെടാത്ത ഒരമ്മ. കൃത്യമായി പറഞ്ഞാൽ, ലക്ഷ്മണന്റെയും ശത്രുഘ്നന്റെയും അമ്മ. ഇത്തവണ ആ അമ്മയെ കുറിച്ചാണ് നമ്മൾ പറയുന്നത്. സുമിത്രയെ ഏതാണ്ട് രണ്ട് അവസരങ്ങളിൽ മാത്രമാണ്, രാമായണ മഹാകാവ്യത്തിൽ നമ്മൾ കാണുന്നത്. ഒന്ന്:  പുത്രകാമേഷ്ടി നടത്തി കൈവന്ന, ദേവനിർമ്മിതമായ ആ പായസം, ദശരഥൻ തന്റെ പത്നിമാർക്ക് പങ്കു വയ്ക്കുമ്പോൾ. രണ്ട്:  ശ്രീരാമ-ലക്ഷ്മണന്മാർ, സീതാദേവിയോടൊത്ത് വനവാസത്തിനായി അയോധ്യാ രാജധാനി വിട്ടിറങ്ങുമ്പോൾ. ഈ രണ്ടവസരങ്ങളിലല്ലാതെ, കാര്യമായി മറ്റെങ്ങും, നമുക്കീ കഥാപാത്രത്തെ രാമായണത്തിൽ കാണാനാവില്ല. വിശകലനം/ വ്യാ ഖ്യാനം: ഒരു പക്ഷേ, നിങ്ങൾ ചിന്തിയ്ക്കുന്നുണ്ടാകും. ഒരു മഹാകാവ്യത്തിൽ, വെറും രണ്ട് അവസരങ്ങളിൽ മാത്രം വന്നു പോകുന്ന ഒരു കഥാപാത്രത്തെ, എന്തുകൊണ്ട് നമ്മൾ ഇവിടെ ഈ പരമ്പരയ്ക്കായി തിരഞ്ഞെടുത്തു എന്ന്. അല്ലേ? ശരിയാണ്. പക്ഷെ അതിനു കൃത്യമായ കാരണവുമുണ്ട്. ദശരഥന്റെ മൂന്...

കാലനല്ലല്ലേ ആ കാലനേമി ? [രാമായണം - അറിയപ്പെടാത്ത കഥാപാത്രങ്ങൾ : ഭാഗം-1] കഥാപാത്ര പരിചയം: കാലനേമി - രാവണന്റെ മാതുലനായ രാക്ഷസൻ. പേരുകേൾക്കുമ്പോൾ തന്നെ ഒരുമാതിരി ഭീതിജനകം. അല്ലേ? കാലരൂപം പൂണ്ട ഒരു അജാനബാഹു. എല്ലാ ക്രൂരതകളുടെയും വിളനിലമായ ഒരു രാക്ഷസൻ. അതല്ലേ, നമ്മുടെ മനസ്സിലേയ്ക്ക് ആദ്യം ഓടിയെത്തുന്ന ഒരു രൂപം? എന്നാൽ, അതാണോ കാലനേമി? നമുക്കൊന്ന് നോക്കാം. യുദ്ധത്തിൽ, ഇന്ദ്രജിത്തിന്റെ ബ്രഹ്‌മാസ്‌ത്രപ്രയോഗമേറ്റ്, വാനരപ്പട ഏതാണ്ട് പൂർണ്ണമായും മോഹാലസ്യപ്പെട്ട് കിടക്കുന്നു. മൃതസഞ്ജീവനി തേടി ഹനുമാൻ ഋഷഭാദ്രിയിലേയ്ക്ക് യാത്ര പുറപ്പെടുകയും ചെയ്യുന്നു. ഇതറിഞ്ഞ രാവണൻ,  ആ യാത്രയ്ക്ക് കാലവിളംബം ഉണ്ടാക്കുവാൻ, തന്റെ മാതുലനായ കാലനേമിയുടെ സഹായം തേടിയെത്തുന്നു. എന്നാൽ കാലനേമിയാകട്ടെ, മറുപടിയായി രാവണന് നൽകുന്നത് നീ‌ണ്ട ഒരു സാരോപദേശം തന്നെയാണ്. അതിൽ ക്രുദ്ധനായ രാവണൻ, കാലനേമിയെ വധിയ്ക്കാൻ ഒരുമ്പെടുന്നു. അതിനോടുള്ള കാലനേമിയുടെ പ്രതികരണം നോക്കുക. "അല്ലയോ ദുഷ്ടനായ രാക്ഷസരാജാവേ, നീ ക്രുദ്ധനാകേണ്ടതില്ല. നിന്റെ ആജ്ഞ ഞാൻ നിറവേറ്റുന്നതാണ്. കാരണം അതെനിയ്...

രാമ  [കവിത] നെയ്യാറ്റിൻകര തുഞ്ചൻ ഗ്രാമം ആസ്ഥാനമാക്കി പ്രവർത്തിക്കുന്ന "തുഞ്ചൻ ഭക്തിപ്രസ്ഥാന പഠനകേന്ദ്രം" എന്ന സംഘടനയുടെ  നേതൃത്വത്തിൽ, ഇപ്പോൾ രാജ്യവ്യാപകമായി നടന്നു വരുന്ന "ദേശീയ രാമായണ മഹോത്സവ"ത്തിന്റെ ഭാഗമായി പ്രസിദ്ധീകരിച്ച " രാമായണ കവിതാ സമാഹാരം " എന്ന ബൃഹദ് പുസ്‌തകത്തിൽ വന്ന " രാമ " എന്ന  ചെറു കവിത, നിങ്ങളുടെ വായനയ്ക്കായി  പരിചയപ്പെ ടുത്തുന്നു. വായിയ്ക്കുക, വിലയേറിയ അഭിപ്രായങ്ങൾ അറിയിയ്ക്കുക. സ്നേഹത്തോടെ  ബിനു മോനിപ്പള്ളി ============= രാമ  'രാമ' എന്നുള്ള രണ്ടക്ഷരത്താൽ രാവിനെ മായ്ക്കുവോനല്ലയോ നീ താതന്റെ വാക്കിന്നു വിലയേറ്റുവാൻ രാജ്യം ത്യജിച്ചവനല്ലയോ നീ ഭൂമികന്യയ്ക്കന്നു നാഥനായോൻ അനുജന്നു തണലായ ജ്യേഷ്ഠനായോൻ ഭരതന്നു നൽകിയാ പാദുകത്താൽ പ്രജകളെ കാത്തോരു രാജനായോൻ അടവിയിൽ സഹജർക്കു കാവലായോൻ മാരീച മായയ്ക്കു പാത്രമായോൻ കേസരീപുത്രന്നു സ്വാമിയായോൻ ബാലീവധം ചെയ്തു മിത്രമായോൻ ഉള്ളിലായ് നന്മ നിറച്ചിരുന്നോ- രസുരന്നുമഭയം കൊടുത്തവൻ നീ അബലരെന്നെണ്ണുമാ വാനരരാൽ സേതുവെ ബന്ധിച്ച ധീരനും നീ ഈരഞ്ചു തലകളും എയ്‌തെറിഞ്...

രാമായണം - അറിയപ്പെടാത്ത കഥാപാത്രങ്ങൾ  [പരമ്പര] എന്റെ പ്രിയ വായനക്കാരെ, രാമായണ മഹാകാവ്യം നിങ്ങളിൽ പലരും വായിച്ചിട്ടുണ്ടാകും. ഒരുപക്ഷേ , പല തവണ വായിച്ചിട്ടുണ്ടാകും. എന്നാൽ, മുൻപൊരിയ്ക്കൽ ഇതേ ബ്ലോഗിൽ പറഞ്ഞതു പോലെ, ഇത്തവണ ഇവിടെ നമ്മൾ തീർത്തും വ്യത്യസ്തമായൊരു രീതിയിലാണ്, രാമായണത്തെ കാണാൻ ശ്രമിയ്ക്കുന്നത്. [ഈ ലേഖനത്തിന്റെ യൂട്യൂബ് പതിപ്പിന്:  https://youtu.be/JVaWJHY8xUc  ] ഒരു തവണ, ഒരു കഥാപാത്രത്തെ മാത്രം തിരഞ്ഞെടുത്ത്, പിന്നെ ആ കഥാപാത്രത്തിന്റെ നന്മ-തിന്മകളെ അഥവാ ആ കഥാപാത്രം നമുക്ക് മുൻപിൽ വയ്ക്കുന്ന ആ ജീവിതപാഠങ്ങളെ, തീർത്തും സ്വതന്ത്രമായി ഒന്ന് വിശകലനം ചെയ്യാനാണ്, ഈ എളിയ ശ്രമം. അതിനായി, "രാമായണം - അറിയപ്പെടാത്ത കഥാപാത്രങ്ങൾ -" എന്ന ഒരു പരമ്പരയ്‌ക്കാണ്‌ നമ്മൾ തുടക്കം കുറിയ്ക്കുന്നത്. അതിന്റെ വിജയത്തിന്, നിങ്ങളുടെ ശ്രദ്ധാപൂർവ്വമായ വായനയും പിന്നെ ആഴത്തിലുള്ള  അഭിപ്രായങ്ങളും, കൂടെ വിമർശനങ്ങളുണ്ടെങ്കിൽ അതും, വളരെയേറെ വിലപ്പെട്ടതാണ്. ഈ പരമ്പരയിലൂടെ മുഖ്യമായും ലക്ഷ്യം വയ്ക്കുന്ന വായനക്കാർ. 1. രാമായണം ഒന്നോ ഒന്നിൽ കൂടു...

ദേവമാതയുടെ തിരുമുറ്റത്ത്  [ഓർമ്മയിൽ ആ നല്ല കാലം] സംവത്സരങ്ങൾക്കു മുൻപിലൊരു കാലം സ്വപ്നങ്ങൾ പൂവിടും മായകാലം കൗമാര കുസുമങ്ങൾ വിടരുന്ന കാലം പൊടിമീശ പൊട്ടിമുളയ്ക്കുന്ന കാലം പുണ്യമാ ദേവാലയത്തിന്നു ചാരെയാ പെരുമയേറീടും കലാലയത്തിൽ എവിടെ നിന്നൊക്കെയോ ഒന്നു ചേർന്നു കുറെയേറെ കുട്ടികൾ അന്നൊരുനാൾ നാട്ടിൻപുറത്തിന്റെ നന്മ പേറി മലയാള ഭാഷ തൻ രുചിയറിഞ്ഞ് 'കോളജിൻ' പടിവാതിൽ കേറിയപ്പോൾ ഒരു വേള അന്തിച്ചു പോയോ അവർ? ഇംഗ്ലീഷും മംഗ്ലീഷും മാറി മാറി തട്ടിന്മുകളിൽ തകർത്തിടുമ്പോൾ തങ്ങളിൽ തങ്ങളിൽ നോക്കീയവർ സജലമാം കണ്ണുകളോടെയന്ന് എങ്കിലും തോൽക്കുവാൻ നിന്നതില്ല വീറോടെ തന്നെ കുറിച്ചു അങ്കം പതിയെ അവരുടെ വരുതിയിലായ് മാക് മില്ലൻ ഗ്രാമറിൻ ഹാൻഡ്ബുക്കുകൾ കാലം പതുക്കെ കടന്നു പോകെ ജീവിതത്തിന്റെയാ കുത്തൊഴുക്കിൽ അവരും പിരിഞ്ഞു പല വഴിയ്ക്കായ് ജീവസന്ധാരണ ലക്ഷ്യമോടെ ഏറെ നാൾ കൂടിയിന്നൊത്തുകൂടാൻ ഏറെ കൊതിച്ചൊരാ ദിനവുമെത്തി മോദം നിറയുന്ന മാനസത്തിൽ ബുദ്ബുദം പോൽ പൊങ്ങിയോർമ്മകളും വർഷങ്ങളെത്രയോ പോയ്‌മറഞ്ഞു ജീവിതമെത്രമേൽ മാറിവന്നു നവ കുസുമങ്ങൾ വിരിഞ്ഞതെത്ര ജീവിത വാടി...