രാമായണം - അറിയപ്പെടാത്ത കഥാപാത്രങ്ങൾ [പരമ്പര]

രാമായണം - അറിയപ്പെടാത്ത കഥാപാത്രങ്ങൾ 

[പരമ്പര]

എന്റെ പ്രിയ വായനക്കാരെ,

രാമായണ മഹാകാവ്യം നിങ്ങളിൽ പലരും വായിച്ചിട്ടുണ്ടാകും. ഒരുപക്ഷേ , പല തവണ വായിച്ചിട്ടുണ്ടാകും.

എന്നാൽ, മുൻപൊരിയ്ക്കൽ ഇതേ ബ്ലോഗിൽ പറഞ്ഞതു പോലെ, ഇത്തവണ ഇവിടെ നമ്മൾ തീർത്തും വ്യത്യസ്തമായൊരു രീതിയിലാണ്, രാമായണത്തെ കാണാൻ ശ്രമിയ്ക്കുന്നത്.

[ഈ ലേഖനത്തിന്റെ യൂട്യൂബ് പതിപ്പിന്: https://youtu.be/JVaWJHY8xUc ]

ഒരു തവണ, ഒരു കഥാപാത്രത്തെ മാത്രം തിരഞ്ഞെടുത്ത്, പിന്നെ ആ കഥാപാത്രത്തിന്റെ നന്മ-തിന്മകളെ അഥവാ ആ കഥാപാത്രം നമുക്ക് മുൻപിൽ വയ്ക്കുന്ന ആ ജീവിതപാഠങ്ങളെ, തീർത്തും സ്വതന്ത്രമായി ഒന്ന് വിശകലനം ചെയ്യാനാണ്, ഈ എളിയ ശ്രമം.

അതിനായി, "രാമായണം - അറിയപ്പെടാത്ത കഥാപാത്രങ്ങൾ -" എന്ന ഒരു പരമ്പരയ്‌ക്കാണ്‌ നമ്മൾ തുടക്കം കുറിയ്ക്കുന്നത്. അതിന്റെ വിജയത്തിന്, നിങ്ങളുടെ ശ്രദ്ധാപൂർവ്വമായ വായനയും പിന്നെ ആഴത്തിലുള്ള  അഭിപ്രായങ്ങളും, കൂടെ വിമർശനങ്ങളുണ്ടെങ്കിൽ അതും, വളരെയേറെ
വിലപ്പെട്ടതാണ്.

ഈ പരമ്പരയിലൂടെ മുഖ്യമായും ലക്ഷ്യം വയ്ക്കുന്ന വായനക്കാർ.

1. രാമായണം ഒന്നോ ഒന്നിൽ കൂടുതൽ തവണയോ വായിച്ചിട്ടുള്ളവർ. (എന്നാൽ ആ വായനയിലെല്ലാം, ശ്രീരാമനും, സീതാദേവിയ്ക്കും പിന്നെ ലക്ഷ്‌മണനും മാത്രം പ്രാധാന്യം നല്കിയിട്ടുള്ളവർ).

2. രാമായണം, രാമായണമാസത്തിൽ മാത്രം, വളരെ ധൃതിയിൽ അങ്ങിനെ വായിച്ചു പോയിട്ടുള്ളവർ.

3. രാമായണം മുഴുവനായും വായിയ്ക്കണം എന്ന് ആഗ്രഹമുള്ളവരും, എന്നാൽ അത് പദ്യരൂപത്തിൽ ആയതിനാൽ തന്നെ, പലതവണ ഇടയ്ക്കു വച്ച് വായന നിർത്തിയിട്ടുള്ളവരുമായ ആളുകൾ.

4. രാമായണത്തെ ഒരു വ്യത്യസ്ത വീക്ഷണകോണിൽ കാണണം എന്ന് താല്പര്യമുള്ളവർ.

5. രാമായണം ഇന്നേവരെ വായിയ്ക്കാത്തവർ, എന്നാൽ അതിനെ കുറിച്ച്, കുറച്ചെങ്കിലും അറിയാൻ താല്പര്യമുള്ളവർ.

6. രാമായണം വെറുമൊരു യുദ്ധകഥയാണ് അഥവാ കെട്ടുകഥയാണ് എന്നും, അതിൽ നിന്നും ഇന്നത്തെ ഈ സമൂഹത്തിന് കൂടുതലായി ഒന്നും പഠിയ്ക്കാനില്ല, എന്നുമുള്ള (മിഥ്യാ)ധാരണയുള്ളവർ.

ഇനി, മുഖവുരയായി തന്നെ ഒരു കാര്യം കൂടി പറയാം.

ഈ ലേഖനപരമ്പരയിൽ ശ്രമിയ്ക്കുന്നത്, മുകളിൽ പറഞ്ഞത് പോലെ ഓരോ ലക്കത്തിലും ഒരു 'അപ്രധാന' കഥാപാത്രത്തിലൂടെ അല്ലെങ്കിൽ ആ കഥാപാത്രത്തിന്റെ 'കർമ്മ പ്രാധാന്യ'ത്തിലൂടെയുള്ള ഒരു വിശകലനവും, കൂടെ, അത് ഇന്നത്തെ നമ്മുടെ ഈ പരിഷ്കൃത സമൂഹത്തിനു നൽകുന്ന ഗുണപാഠം എന്തെന്നും, ആവുന്നത്ര ലളിതമായ ഭാഷയിൽ വിശദീകരിക്കാനാണ്.

ഏതെങ്കിലും രാമായണ കഥാപാത്രങ്ങളെ അനാവശ്യമായി പുകഴ്ത്താനോ, ഇകഴ്ത്താനോ യാതൊരു ഉദ്ദേശങ്ങളും ഇല്ല എന്നുകൂടി വ്യക്തമാക്കട്ടെ.

പുണ്യത്തിന്റെ രാമായണ മാസത്തിൽ, എല്ലാ ഞായറാഴ്ചകളിലും പരമ്പരയുടെ പുതിയ ലക്കങ്ങൾ, നമ്മുടെ ഈ ബ്ലോഗിൽ പ്രസിദ്ധീകരിയ്ക്കുന്നതാണ്. അതേസമയം തന്നെ യൂട്യൂബിലും, പിന്നെ ഫേസ്ബുക്കിലും.

സമയക്രമം:
ഭാഗം-1 : കർക്കിടകം-1  (ജൂലൈ -16 -2020)
ഭാഗം-2 : കർക്കിടകം- 4  (ജൂലൈ -19 -2020)
ഭാഗം-3 : കർക്കിടകം- 11 (ജൂലൈ -26 -2020)
ഭാഗം-4 : കർക്കിടകം- 18 (ഓഗസ്റ് -2 -2020)
ഭാഗം-5 : കർക്കിടകം- 25 (ഓഗസ്റ് -9 -2020)
ഭാഗം-6 : കർക്കിടകം- 32 (ഓഗസ്റ് -16 -2020)

ബ്ലോഗ്:  www.binumonippally.blogspot.com 
യൂട്യൂബ്:  Binu M P
ഫേസ്ബുക്ക്:  Binu Mp BinuMonippally

രാമായണ മാസത്തിനു ശേഷം, മാസത്തിൽ ഒരു തവണ വീതം ഈ പരമ്പര തുടരുകയും ചെയ്യും.

അവസാനമായി, മഹാകാവ്യത്തെ അധികരിച്ചുള്ള ഈ പരമ്പര എഴുതാൻ എനിയ്ക്കുള്ള സ്വാതന്ത്ര്യം പോലെ തന്നെ, ഈ ലേഖനങ്ങളിൽ പറയുന്ന വിശകലനങ്ങളെ (പൂർണ്ണമായോ, ഭാഗികമായോ) കൊള്ളാനോ, തള്ളാനോ, ഓരോ വായനക്കാരനും പൂർണ്ണസ്വാതന്ത്യ്രമുണ്ട് എന്നുകൂടി പറഞ്ഞു കൊള്ളട്ടെ.

സ്നേഹത്തോടെ
- ബിനു മോനിപ്പള്ളി 

*************

Blog: https://binumonippally.blogspot.com

mail: binu.monippally@gmail.com

ചിത്രങ്ങൾക്ക് കടപ്പാട്: ഗൂഗിൾ ഇമേജസ്