സ്വാതന്ത്ര്യദിന ചിന്തകൾ - 2020 [കവിത]

-



സ്വാതന്ത്ര്യദിന ചിന്തകൾ-2020
[കവിത]


നാല്പത്തിയേഴിലെ പാതിരാവിൽ, പണ്ടു
നാടിതു നേടിയാ സ്വാതന്ത്ര്യം
സൂര്യൻ മറയാത്ത സാമ്രാജ്യശക്തികൾ
പോയ്മറഞ്ഞെത്തിയ സ്വാതന്ത്ര്യം
പാലൊളി ചന്ദ്രനെ സാക്ഷിയാക്കി
അന്നു, നാടിതു നേടിയാ സ്വാതന്ത്ര്യം !

ആഘോഷ രാവതു പോയ്മറയെ
മക്കൾ ആമോദമാമോദമുല്ലസിക്കെ
ഒരുപാടു സമരങ്ങൾ മുന്നിൽ നയിച്ചൊരാ
'മോഹൻദാസ്' മാത്രം നിശബ്ദനായി !

അധികാരചർച്ചകൾ ഉള്ളിൽ തകർക്കവേ
തെരുവിലാ പാവം ചകിതനായി !
ഉറയൂരിയാടിയ വർഗീയസർപ്പത്തിൻ 
ദംശനം ഏറ്റവരെത്രയന്ന് ?

* * *
ഒരുപാടു ത്യാഗങ്ങൾ ചെയ്തു നാം നേടിയ
സ്വാതന്ത്ര്യമിന്നൊരു ശാപമായോ ?
അഴിമതിയാകെയും മൂടിനിൽക്കുന്നൊരീ
ഇന്നിന്റെ നാടിനെ കണ്ടു നിൽക്കെ
കണ്ണിൽ നിറയുന്നു കണ്ണുനീരല്ലതെൻ
ഹൃദയത്തിലൂറുന്ന ജീവരക്തം

ജാതിവെറികളും (ദുര)ഭിമാനകൊലകളും 
നാടിന്റെ നെഞ്ചകം കീറിപ്പിളർക്കവേ 
പിഞ്ചുബാല്യത്തെയും 'ഇര'യായി കാണുന്ന 
കാമാന്ധരെങ്ങും നുരഞ്ഞു പുളയ്ക്കവേ 
എങ്ങുനിന്നെത്തുമാ ആശാസ്ഫുലിംഗങ്ങൾ 
നന്മ തൻ യാഗാഗ്നി ഊതിയുണർത്തുവാൻ ?

തമ്മിൽ ഗുണിച്ചു കുതിച്ചു കയറുമാ 
കമ്പോള വിലകളിൽ പ്രജകൾ പിടയവേ 
അരമന മോടി കൂട്ടീടുന്ന സചിവരി- 
ന്നാരാൽ തളയ്ക്കപ്പെടേണമെന്നോർക്ക നാം 
* * *
സ്വപ്നങ്ങളിൽ പണ്ടു നാം കണ്ട ഭാരതം
സ്വച്ഛമാം വാഗ്ദത്തഭൂമിയല്ലേ ?
ഹിന്ദുവും ക്രിസ്ത്യനും സിഖും മുസൽമാനും
ഒന്നായ് പുലരുന്ന സ്വർഗ്ഗമല്ലേ ?

മൂന്നായ് പിരിഞ്ഞോരു ഭാരതഖണ്ഡത്തെ
ഒന്നായിക്കാണുവതെന്നിനി നാം?
അല്ലെങ്കിൽ വേണ്ടിനി ചിന്തിയ രക്തങ്ങൾ
ചിന്താതെ നോക്കണം ഇന്നിനി നാം

ചിന്തിക്കണം നമ്മൾ ചിന്തിച്ചു ചിന്തിച്ചു
ചിന്തിച്ചുപായങ്ങൾ കണ്ടെത്തണം
ജാതി മതങ്ങളും രാഷ്ട്രീയവൈരവും
ദൂരെയകറ്റി നാം ഒന്നാകണം !!

എങ്കിലും ചൊല്ലിടാമെന്നുമെൻ ഹൃത്തിലെ
അഭിമാന രക്തമാണെന്നുമെൻ ഭാരതം !
'വന്ദേ' പറഞ്ഞു ഞാൻ വന്ദിയ്ക്കും അമ്മയാ-
ണെന്നുമെനിയ്ക്കെന്റെ സ്വന്തമാം ഭാരതം !

 'വന്ദേ' പറഞ്ഞു ഞാൻ കുമ്പിടും അമ്മയാ-
ണെന്നുമെനിയ്ക്കെന്റെ സ്വന്തമാം ഭാരതം !

ജയ് ഹിന്ദ് !!!

 എല്ലാ സ്നേഹിതർക്കും എന്റെ സ്വാതന്ത്ര്യദിനാശംസകൾ...!!

  -ബിനു മോനിപ്പള്ളി

****************************
Blog: https://binumonippally.blogspot.com
ചിത്രങ്ങൾക്ക് കടപ്പാട്: ഗൂഗിൾ ഇമേജസ്

Comments

  1. Unknown14 August 2020 at 19:21

    സൂപ്പർ. ഇത് ഓരോ ഭാരതീയൻ്റെയും ഹൃദയമാണ്

    ReplyDelete
  2. Lal15 August 2020 at 01:35

    Good one mashea...

    ReplyDelete
  3. Unknown15 August 2020 at 02:01

    ശരാശരി ഭാരതീയന്റെ ആത്മാപമാണ് ബിനുവിന്റെ
    കവിത.അഭിനന്ദനങ്ങൾ!!

    ReplyDelete

Post a Comment

Popular posts from this blog

ശ്രീ നാരായണ ഗുരു ദർശനങ്ങൾ - പ്രസക്തമാകുന്നത്

-
Image
ശ്രീനാരായണ ഗുരു ദർശനങ്ങൾ - പ്രസക്തമാകുന്നത് പ്രിയപ്പെട്ടവരെ നമസ്കാരം, ശ്രീ നാരായണ ദർശനങ്ങളിലേയ്ക്ക് കടക്കുന്നതിനു മുൻപ്, നമുക്കാദ്യം ശ്രീ നാരായണ ഗുരു ആരായിരുന്നു എന്നൊന്നു നോക്കാം? എന്താ ? ആരായിരുന്നു  ശ്രീ നാരായണ ഗുരു ? ദൈവമായിരുന്നോ ? അല്ല ഒരു അവതാരമായിരുന്നോ ? അല്ല ഒരു അമാനുഷികനായിരുന്നോ ? അല്ല പിന്നെ, ആരായിരുന്നു ? ഞാൻ പറയും, അദ്ദേഹം ഒരു ഉത്തമ മനുഷ്യൻ ആയിരുന്നു, അഥവാ കറകളഞ്ഞ ഒരു മനുഷ്യസ്നേഹി ആയിരുന്നു എന്ന്. എന്നാൽ, അതായിരുന്നോ അദ്ദേഹത്തിന്റെ പ്രസക്തി ? അല്ല പിന്നെ ? അദ്ദേഹം കേരളം കണ്ട അഥവാ ഭാരതം കണ്ട, ഏറ്റവും വിപ്ലവകാരിയായ ഒരു സാമൂഹ്യപരിഷ്കർത്താവായിരുന്നു. പക്ഷേ,  ഭാരതത്തിലും കേരളത്തിലും വേറെയും ഒരുപാട് സാമൂഹ്യപരിഷ്ക്കർത്താക്കൾ ഉണ്ടായിരുന്നുവല്ലോ. അപ്പോൾ, അവരിൽ നിന്നും ഗുരു എങ്ങിനെ ആണ് വ്യത്യസ്തനാകുന്നത് ? തന്റെ ജീവിതകാലത്ത്, സമൂഹത്തിൽ നിലനിന്നിരുന്ന എല്ലാ അനീതികൾക്കെതിരെയും പ്രതികരിച്ച, അവയെ തുറന്നെതിർത്ത ഒരു വിപ്ലവകാരിയായിരുന്നു ഗുരു. അഹിംസാ മാർഗത്തിൽ ചരിച്ച വിപ്ലവകാരി. തന്റെ ലളിതമായ വാക്...
Read more

ഓലവര - ഓർമ്മയിലെ ചന്ദന വര

-
Image
ഓലവര - ഓർമ്മയിലെ ചന്ദന വര  [ഓർമ്മക്കുറിപ്പ്] 'ഓല' എന്നാൽ, എല്ലാവർക്കും അറിയാം. 'വര' എന്നാലോ? അതും അറിയാം.  പക്ഷേ,  ഈ 'ഓലവര' എന്ന സാധനം, നമ്മുടെ പ്രിയവായനക്കാരിൽ എത്രപേർക്ക് അറിയാം, എന്നെനിയ്ക്കറിയില്ല. കാര്യം അത്രയ്ക്കങ്ങ് പിടികിട്ടുന്നില്ല. അല്ലേ?  എന്നാൽ നമുക്കൊരല്പം 'ഫ്ലാഷ് ബാക്ക്' ആയാലോ? ഏറെ വർഷങ്ങൾക്കു മുൻപുള്ള കാര്യമാണ്. ശ്രീ സാംബശിവൻ സാറിന്റെ കഥാപ്രസംഗഭാഷയിൽ പറഞ്ഞാൽ.... കോട്ടയം ജില്ലയിലെ മോനിപ്പള്ളി എന്ന പ്രശാന്ത സുന്ദരമായ ഒരു ഗ്രാമം.  അതേ ... അവിടേയ്ക്കാണ് ഇത്തവണ ഞാൻ നിങ്ങളെ കൊണ്ടുപോകുന്നത്. പച്ചപുതച്ച നെൽവയലുകളും, അതിന്റെ കരയിൽ ഒരു പുരാതന ദേവീക്ഷേത്രവും, ക്ഷേത്രമുറ്റത്ത് താമരകൾ വിരിയുന്ന കുളവും; പിന്നെ കുറച്ചങ്ങു മാറി ഈശോയുടെ തിരുഹൃദയനാമത്തിലുള്ള കേരളത്തിലെ ആദ്യപള്ളിയും; കൂടെ, കൊച്ചുടൗണിന്റെ ഒത്ത നടുക്ക് പടർന്നു വളർന്ന് പൂത്തുനിൽക്കുന്ന ആ ഗുൽമോഹർ മരവും ഒക്കെ.... നമുക്കാ ഗ്രാമത്തിൽ കാണുവാൻ കഴിയും.  "പുഷ്പിതജീവിതവാടിയിലോ ഒരപ്സരസുന്ദരിയാണ്  അനീസ്യ...." എന്ന അതിപ്രശസ്തമായ ആ കഥാപ്രസംഗവരികൾ, വേണമെങ്കിൽ നമുക്കിങ്ങനെയൊന്ന് മാറ്റി പാടാം. ...
Read more

ഷഡാധാര പ്രതിഷ്‌ഠ [ഹൈന്ദവ പുരാണങ്ങളിലൂടെ : ഭാഗം-5]

-
Image
ഷഡാധാര പ്രതിഷ്‌ഠ     [ ഹൈന്ദവ പുരാണങ്ങളിലൂടെ : ഭാഗം-5 ] പ്രിയ വായനക്കാരെ,  "ഹൈന്ദവ പുരാണങ്ങളിലൂടെ" എന്ന പരമ്പരയിലെ, ഈ അഞ്ചാം ലേഖനത്തിൽ നമ്മൾ കാണുന്നത്, കേരളീയ ക്ഷേത്രനിർമ്മിതിയുടെയും അവിടുത്തെ പ്രതിഷ്‌ഠയുടെയും,  അധികം അറിയപ്പെടാത്ത, ചില വിശേഷങ്ങൾ ആണ്. നിങ്ങൾ എല്ലാവരും തന്നെ, പ്രശസ്തങ്ങളും അപ്രശസ്തങ്ങളുമായ പല ക്ഷേത്രങ്ങളിലും ദർശനം നടത്തിയിട്ടുള്ളവരാകുമല്ലോ. അതും പലവട്ടം. പ്രതിഷ്ഠ/മൂർത്തിയ്ക്കനുസരിച്ച്, ഓരോ ക്ഷേത്രത്തിലേയും ആചാരങ്ങളിലും, അനുഷ്ടാനങ്ങളിലും വ്യത്യാസം ഉണ്ടാകാം. ദേശപരമായ വ്യത്യാസങ്ങളും കണ്ടേക്കാം.  അതുപോലെ തന്നെ, ക്ഷേത്രനിർമ്മിതിയിലും വലുപ്പത്തിലും ബാഹ്യമായി ഏറെ വ്യത്യാസങ്ങൾ ഉണ്ടാകാം. പ്രതിഷ്ഠാരൂപത്തിലും ഈ വൈവിധ്യങ്ങൾ നമുക്ക് കാണുവാൻ കഴിയും.  അതിനുമപ്പുറമുള്ള ചില കാര്യങ്ങളിലേക്കാണ് ഇത്തവണ നമ്മൾ പോകുന്നത്. ഒരു ക്ഷേത്രത്തിൽ എത്തിയാൽ, നമ്മൾ ഭക്തിപൂർവ്വം അവിടുത്തെ മൂർത്തിയുടെ മുൻപിൽ കൈകൾ തൊഴുത്, നമ്മുടെ സങ്കടങ്ങൾ ഉണർത്തിയ്ക്കുന്നു. കൺനിറയെ ആ രൂപം കണ്ട് നിർവൃതിയടയുന്നു. ശേഷം സാവധാനം മടങ്ങുന്നു. ശ്രീകോവിലിൽ, ഒരു ...
Read more