താരക രാവ് [ഭക്തിഗാനം]

 

താരക രാവ് 

 [ഭക്തിഗാനം]

താരകങ്ങൾ പൂ വിരിച്ച നീലരാവതിൽ 

അജഗണങ്ങൾ ഒന്നുചേർന്ന പാതിരാവതിൽ

ജാതനായ ബാലകനിൽ കണ്ടു ലോകരാ

രക്ഷകന്റെ ഉണ്മയുള്ള നല്ല പുഞ്ചിരി  

ആ കണ്ണുകളിൽ നന്മയൂറും കനിവ് പൂത്തിരി 

 

മാമരങ്ങൾ മഞ്ഞണിഞ്ഞു നിന്ന രാവതിൽ 

താരകം വഴിതെളിച്ച പുണ്യരാവതിൽ 

എത്തി മൂന്നു രാജരന്ന് പുല്ലു കൂടതിൽ 

പൈതലിന്നു കാഴ്ച്ചയായി നല്കിയന്നവർ 

ആ വിശുദ്ധ മൂന്നു ദ്രവ്യപാരിതോഷികം 

വർത്തമാന കാലമാകെയങ്ങു മാറ്റുവാൻ 

ഭാവികാലമതിനെയങ്ങു വാർത്തെടുക്കുവാൻ 

മാനവന്റെ പാപമൊക്കെയേറ്റെടുക്കുവാൻ

ജാതനായ പൈതലിൻ നിറഞ്ഞ പുഞ്ചിരി 

ഈ നമ്മളൊന്ന് ഹൃത്തിനുള്ളിൽ കാത്തുവയ്ക്കണം

===============

സ്നേഹപൂർവ്വം 

- ബിനു മോനിപ്പള്ളി

******

Blog: www.binumonippally.blogspot.com

Youtube: Binu M P

FB: Binu Mp Binu Monippally

********