പ്രതീക്ഷയുടെ വിഷു ആശംസകൾ .....
കണിക്കൊന്നകൾ പതിവിൽ കൂടുതൽ പൂത്തുവെങ്കിലും, നമ്മളിന്നൊരു ആഘോഷത്തിമിർപ്പിലല്ല.
അതേ, ഈ വിഷു നമുക്ക് പ്രാർത്ഥനയുടേതാണ്. ഒരു മഹാമാരിയ്ക്കെതിരെയുള്ള പോരാട്ടത്തിന്റേതാണ്.
അതുകൊണ്ടു തന്നെ, അക്ഷരമാലകൾ തോരണം തൂക്കുന്ന ആലങ്കാരിക ആശംസകളുമില്ല.
എങ്കിലും, വിളവെടുപ്പിന്റെ ഈ കാർഷിക ഉത്സവം സ്വന്തം വീട്ടുകാരോടോത്ത് നമുക്ക് ചിലവഴിയ്ക്കാം.
കൂടെ ....
ഈ പോരാട്ടത്തിരക്കിനിടയിൽ, സ്വന്തം വീട്ടിൽ പോലും പോകാൻ കഴിയാത്ത, സുമനസ്സുകളായ ആ ആരോഗ്യപ്രവർത്തകർക്ക്, സന്നദ്ധപ്രവർത്തകർക്ക്, നിയമപാലകർക്ക്..... നമ്മുടെയൊക്കെ മനസ്സിൽ, വിഷുക്കണിയ്ക്കൊപ്പം ഒരു സ്ഥാനം കൂടി നൽകി ആദരിയ്ക്കുകയും ചെയ്യാം.
മുൻവർഷങ്ങളിൽ, നമ്മളിൽ പലർക്കും സ്വന്തം വീട്ടുകാരോടൊപ്പം എന്നതിനേക്കാൾ, കൂട്ടുകാരോടൊത്ത് വിഷു ആഘോഷിയ്ക്കാനായിരുന്നു തിടുക്കം. അല്ലേ?
എന്നാൽ, ഇത്തവണ അവരും സ്വന്തം വീടുകളിൽ ഒതുങ്ങിയിരിയ്ക്കുന്നു.
ചിലർക്ക് ആ ഉത്സാഹമുണ്ട്, പലർക്കും ആ ആലസ്യവും.
ആ ആലസ്യത്തിൽ ഒരു സമയംപോക്കിനായി, പഴയ ഒരു വിഷു ഓർമ്മ ഒന്നുകൂടി പങ്കു വച്ചാലോ?
കേരളത്തിന്റെ പഴയ നാട്ടിൻ പുറങ്ങളിലെ, ആ വിഷുക്കാഴ്ചകളിലേയ്ക്ക്, ആ വിഷുക്കണി യാത്രകളിലേയ്ക്ക്, മനസ്സുകൊണ്ടൊരു മടക്കയാത്ര......
എന്താ നിങ്ങൾ തയ്യാറല്ലേ? എങ്കിൽ...
വിശദമായ വായനയ്ക്ക്:
ശബ്ദചിത്രത്തിന്:
ഏവർക്കും, പ്രാർത്ഥനയുടെ, ഐശ്വര്യത്തിന്റെ, പ്രതീക്ഷയുടെ വിഷു ആശംസിച്ചുകൊണ്ട്...
സ്നേഹത്തോടെ
ബിനു മോനിപ്പള്ളി
*************
Blog: https://binumonippally.blogspot.com
mail: binu.monippally@gmail.com
Comments
Post a Comment