ആത്മാവിൽ ഒരു സുന്ദര ശില്പം [കവിത]

-

ആത്മാവിൽ ഒരു സുന്ദര ശില്പം


അന്തരാത്മാവിലെ ചിത്രത്തിനന്നു ഞാൻ 
ആദ്യമായ് നിൻ രൂപഭംഗിയേകി 
അവ്യക്തമായൊരാ ചിത്രം പൊടുന്നനെ 
സുവ്യക്തമായിയെൻ ഹൃത്തടത്തിൽ 

ആയിരം അർക്കന്മാർ ഒന്നിച്ചുദിച്ചപോൽ  
പ്രോജ്ജ്വലിച്ചന്നതെൻ ഹൃത്തടത്തിൽ 
അനുരാഗ കുസുമങ്ങൾ അഭിഷേകമാക്കിയെൻ
ആരാധ്യദേവതേ നിൻ ചരണെ 

കാറ്റിലിളകുന്ന കുറുനിര മെല്ലവേ 
മാടിയൊതുക്കുന്ന ശാലീനതേ 
കരവിരുതോടെ ഞാൻ കരളിൽ കുറിക്കുന്നു 
ആരും കൊതിക്കും നിൻ രൂപഭംഗി 

ഒഴുകിയിറങ്ങുന്ന കാർകൂന്തൽ തുമ്പത്ത് 
തുളസിക്കതിരിന്റെ നൈർമ്മല്യം 
കാച്ചെണ്ണ മണമോലും കൂന്തലിനെന്നുമേ 
കാറ്റിന്റെ കയ്യിനാൽ താലോലം 

മലയാള മങ്കയ്ക്കു ഭൂഷണമാകുന്ന 
ശ്രീയൊഴുകുന്നോരാ വദനത്തിൽ 
മഞ്ഞളും ചന്ദനത്തൈലവും തീർക്കുന്നു 
മതിയെ മയക്കുന്ന സൗരഭ്യം 

അളകങ്ങൾ അതിരിന്നു കാവലായ് നില്ക്കുന്ന 
നെറ്റിയിൽ ചന്ദന തൊടുകുറിയും 
കരിനീലക്കണ്ണിന്നു ചാരുത കൂട്ടുവാൻ 
എണ്ണയിൽ ചാലിച്ചൊരഞ്ജനവും 

അഴകൊത്ത നാസികത്തുമ്പിലായ് മിന്നുന്നു  
വൈരം പോൽ സ്വേദത്തിൻ മൂക്കുത്തി 
അഴകോലും കവിളിണയ്ക്കഴകതു കൂട്ടുവാൻ 
ഇടതിലായ് ചെറിയൊരു കാർമറുക് 

എന്തോ പറയുവാൻ എന്നും തുടിക്കുന്നു 
കരളേ നിൻ ചേലൊത്ത ചുണ്ടിണകൾ 
പതിയെ വിറയ്ക്കുന്നോരധരമിന്നാരിലും 
പുളകത്തിൻ പൂക്കൾ വിതറും നൂനം 

നനുനനെ രോമങ്ങൾ കുനുകുനെ നില്ക്കും നിൻ  
വടിവൊത്തൊരാ മൃദു പിൻകഴുത്തിൽ 
അധരങ്ങൾ ചേർക്കുവാനിന്നും കൊതിക്കുന്നു 
അറിയാതെയെങ്കിലുമെൻ മനസ്സ് 

ഇണ പിരിയാത്ത രണ്ടരുമകൾ മേവുന്ന 
അഴകോലും നിൻ നിറമാറിടത്തിൽ 
മുഖമൊന്നണയ്ക്കുവാനനുമതിക്കായിന്നു 
കാലമിതെത്രയായ് കാത്തിരിപ്പൂ 

ആലില പൊൻവയർ കണ്ണേറു തട്ടാതെ 
കാവലായ് നില്ക്കുന്ന നാഭിച്ചുഴി 
ആഴക്കടലിന്റെയാഴമതത്രയും 
സ്വായത്തമാക്കിയിന്നെന്നു തോന്നും 

തബല തൻ താളത്തിനൊത്തോ തുളുമ്പുന്നു 
കരളേ ചലിക്കും നിതംബ ഭംഗി 
ചന്ദനക്കാതൽ കടഞ്ഞതിൽ തീർത്തു നിൻ
വടിവൊത്ത മൃദുലമാം കാലിണകൾ 

റോസാദലങ്ങളും നാണിക്കും സ്നിഗ്ദമാം 
നിൻ കാൽവിരലതു കാണുമ്പോൾ 
ഗോതമ്പു നിറമാർന്ന കണങ്കാലു രണ്ടിലും 
നേർമ്മയിൽ പണിയിച്ച പാദസരം.

*************
binumonippally.blogspot.in
*ചിത്രത്തിന് കടപ്പാട്: Google Images
പിൻകുറിപ്പ്: ഇതെഴുതി, ഏറെ നാളുകൾക്കു ശേഷം (2020-മെയ്-1) ലണ്ടൻ ആസ്ഥാനമായി പ്രവർത്തിയ്ക്കുന്ന "ലണ്ടൻ മലയാള സാഹിത്യവേദി" അവരുടെ യൂട്യൂബ് ചാനലിൽ പ്രസിദ്ധീകരിച്ച "ആത്മാവിൽ ഒരു സുന്ദരശില്പം" എന്ന കവിത, ഇവിടെ നിങ്ങൾക്കായി പങ്കു വയ്ക്കുന്നു.
രചന: ബിനു മോനിപ്പള്ളി
സംഗീതം / ആലാപനം: തങ്കൻ മൂവാറ്റുപുഴ

Comments

Post a Comment

Popular posts from this blog

ശ്രീ നാരായണ ഗുരു ദർശനങ്ങൾ - പ്രസക്തമാകുന്നത്

-
Image
ശ്രീനാരായണ ഗുരു ദർശനങ്ങൾ - പ്രസക്തമാകുന്നത് പ്രിയപ്പെട്ടവരെ നമസ്കാരം, ശ്രീ നാരായണ ദർശനങ്ങളിലേയ്ക്ക് കടക്കുന്നതിനു മുൻപ്, നമുക്കാദ്യം ശ്രീ നാരായണ ഗുരു ആരായിരുന്നു എന്നൊന്നു നോക്കാം? എന്താ ? ആരായിരുന്നു  ശ്രീ നാരായണ ഗുരു ? ദൈവമായിരുന്നോ ? അല്ല ഒരു അവതാരമായിരുന്നോ ? അല്ല ഒരു അമാനുഷികനായിരുന്നോ ? അല്ല പിന്നെ, ആരായിരുന്നു ? ഞാൻ പറയും, അദ്ദേഹം ഒരു ഉത്തമ മനുഷ്യൻ ആയിരുന്നു, അഥവാ കറകളഞ്ഞ ഒരു മനുഷ്യസ്നേഹി ആയിരുന്നു എന്ന്. എന്നാൽ, അതായിരുന്നോ അദ്ദേഹത്തിന്റെ പ്രസക്തി ? അല്ല പിന്നെ ? അദ്ദേഹം കേരളം കണ്ട അഥവാ ഭാരതം കണ്ട, ഏറ്റവും വിപ്ലവകാരിയായ ഒരു സാമൂഹ്യപരിഷ്കർത്താവായിരുന്നു. പക്ഷേ,  ഭാരതത്തിലും കേരളത്തിലും വേറെയും ഒരുപാട് സാമൂഹ്യപരിഷ്ക്കർത്താക്കൾ ഉണ്ടായിരുന്നുവല്ലോ. അപ്പോൾ, അവരിൽ നിന്നും ഗുരു എങ്ങിനെ ആണ് വ്യത്യസ്തനാകുന്നത് ? തന്റെ ജീവിതകാലത്ത്, സമൂഹത്തിൽ നിലനിന്നിരുന്ന എല്ലാ അനീതികൾക്കെതിരെയും പ്രതികരിച്ച, അവയെ തുറന്നെതിർത്ത ഒരു വിപ്ലവകാരിയായിരുന്നു ഗുരു. അഹിംസാ മാർഗത്തിൽ ചരിച്ച വിപ്ലവകാരി. തന്റെ ലളിതമായ വാക്...
Read more

ഓലവര - ഓർമ്മയിലെ ചന്ദന വര

-
Image
ഓലവര - ഓർമ്മയിലെ ചന്ദന വര  [ഓർമ്മക്കുറിപ്പ്] 'ഓല' എന്നാൽ, എല്ലാവർക്കും അറിയാം. 'വര' എന്നാലോ? അതും അറിയാം.  പക്ഷേ,  ഈ 'ഓലവര' എന്ന സാധനം, നമ്മുടെ പ്രിയവായനക്കാരിൽ എത്രപേർക്ക് അറിയാം, എന്നെനിയ്ക്കറിയില്ല. കാര്യം അത്രയ്ക്കങ്ങ് പിടികിട്ടുന്നില്ല. അല്ലേ?  എന്നാൽ നമുക്കൊരല്പം 'ഫ്ലാഷ് ബാക്ക്' ആയാലോ? ഏറെ വർഷങ്ങൾക്കു മുൻപുള്ള കാര്യമാണ്. ശ്രീ സാംബശിവൻ സാറിന്റെ കഥാപ്രസംഗഭാഷയിൽ പറഞ്ഞാൽ.... കോട്ടയം ജില്ലയിലെ മോനിപ്പള്ളി എന്ന പ്രശാന്ത സുന്ദരമായ ഒരു ഗ്രാമം.  അതേ ... അവിടേയ്ക്കാണ് ഇത്തവണ ഞാൻ നിങ്ങളെ കൊണ്ടുപോകുന്നത്. പച്ചപുതച്ച നെൽവയലുകളും, അതിന്റെ കരയിൽ ഒരു പുരാതന ദേവീക്ഷേത്രവും, ക്ഷേത്രമുറ്റത്ത് താമരകൾ വിരിയുന്ന കുളവും; പിന്നെ കുറച്ചങ്ങു മാറി ഈശോയുടെ തിരുഹൃദയനാമത്തിലുള്ള കേരളത്തിലെ ആദ്യപള്ളിയും; കൂടെ, കൊച്ചുടൗണിന്റെ ഒത്ത നടുക്ക് പടർന്നു വളർന്ന് പൂത്തുനിൽക്കുന്ന ആ ഗുൽമോഹർ മരവും ഒക്കെ.... നമുക്കാ ഗ്രാമത്തിൽ കാണുവാൻ കഴിയും.  "പുഷ്പിതജീവിതവാടിയിലോ ഒരപ്സരസുന്ദരിയാണ്  അനീസ്യ...." എന്ന അതിപ്രശസ്തമായ ആ കഥാപ്രസംഗവരികൾ, വേണമെങ്കിൽ നമുക്കിങ്ങനെയൊന്ന് മാറ്റി പാടാം. ...
Read more

ഷഡാധാര പ്രതിഷ്‌ഠ [ഹൈന്ദവ പുരാണങ്ങളിലൂടെ : ഭാഗം-5]

-
Image
ഷഡാധാര പ്രതിഷ്‌ഠ     [ ഹൈന്ദവ പുരാണങ്ങളിലൂടെ : ഭാഗം-5 ] പ്രിയ വായനക്കാരെ,  "ഹൈന്ദവ പുരാണങ്ങളിലൂടെ" എന്ന പരമ്പരയിലെ, ഈ അഞ്ചാം ലേഖനത്തിൽ നമ്മൾ കാണുന്നത്, കേരളീയ ക്ഷേത്രനിർമ്മിതിയുടെയും അവിടുത്തെ പ്രതിഷ്‌ഠയുടെയും,  അധികം അറിയപ്പെടാത്ത, ചില വിശേഷങ്ങൾ ആണ്. നിങ്ങൾ എല്ലാവരും തന്നെ, പ്രശസ്തങ്ങളും അപ്രശസ്തങ്ങളുമായ പല ക്ഷേത്രങ്ങളിലും ദർശനം നടത്തിയിട്ടുള്ളവരാകുമല്ലോ. അതും പലവട്ടം. പ്രതിഷ്ഠ/മൂർത്തിയ്ക്കനുസരിച്ച്, ഓരോ ക്ഷേത്രത്തിലേയും ആചാരങ്ങളിലും, അനുഷ്ടാനങ്ങളിലും വ്യത്യാസം ഉണ്ടാകാം. ദേശപരമായ വ്യത്യാസങ്ങളും കണ്ടേക്കാം.  അതുപോലെ തന്നെ, ക്ഷേത്രനിർമ്മിതിയിലും വലുപ്പത്തിലും ബാഹ്യമായി ഏറെ വ്യത്യാസങ്ങൾ ഉണ്ടാകാം. പ്രതിഷ്ഠാരൂപത്തിലും ഈ വൈവിധ്യങ്ങൾ നമുക്ക് കാണുവാൻ കഴിയും.  അതിനുമപ്പുറമുള്ള ചില കാര്യങ്ങളിലേക്കാണ് ഇത്തവണ നമ്മൾ പോകുന്നത്. ഒരു ക്ഷേത്രത്തിൽ എത്തിയാൽ, നമ്മൾ ഭക്തിപൂർവ്വം അവിടുത്തെ മൂർത്തിയുടെ മുൻപിൽ കൈകൾ തൊഴുത്, നമ്മുടെ സങ്കടങ്ങൾ ഉണർത്തിയ്ക്കുന്നു. കൺനിറയെ ആ രൂപം കണ്ട് നിർവൃതിയടയുന്നു. ശേഷം സാവധാനം മടങ്ങുന്നു. ശ്രീകോവിലിൽ, ഒരു ...
Read more