Vichaara Vedhi

ചക്കക്കുരു മാങ്ങ : അയ്യോ.... ദേ.. പിന്നേം..!  [ഒരു അനുഭവ കഥ] "എന്റെ ദൈവമേ ... ദേ ഇയ്യാള് പിന്നേം ആ ചക്കക്കുരുമാങ്ങയുമായി എത്തിയേക്കുന്നു ... ഇന്നിയാളെ ഞാൻ കൊല്ലും ...!" എന്നാണോ ഈ തലക്കെട്ട് കണ്ടപ്പോൾ നിങ്ങൾ ചിന്തിച്ചത്..? എന്നാൽ അത് വേണ്ട കേട്ടോ. കാരണം,ഞാനൊരു പാവമല്ലേ? മാത്രവുമല്ല, ഇന്നത്തെ നമ്മുടെ തലക്കെട്ട് 'ചക്കക്കുരുമാങ്ങ' എന്നാണെങ്കിലും, പറയാൻ പോകുന്നത് ചക്കക്കുരുമാങ്ങ കറിയെക്കുറിച്ചല്ല, മറിച്ച് അതിനു പിന്നിലെ ഒരു സംഭവത്തെ കുറിച്ചാണ്. എന്നാൽ പിന്നെ, ഞാൻ അതങ്ങ് പറഞ്ഞോട്ടേ ....? ഇക്കഴിഞ്ഞ ദിവസം, ഉച്ചഭക്ഷണവും കഴിഞ്ഞ് ഞങ്ങൾ, എന്നോ കൈമോശം വന്ന സ്വന്തം പൈതൃകത്തിന്റെ നഷ്ടബോധവുമായി, അലസമൊഴുകുന്ന ആ തെറ്റിയാറിന്റെ കരയിലിരുന്ന്, ഇത്തിരി നാട്ടുവിശേഷങ്ങൾ പറയുന്നതിനിടയിൽ, വിഷയം പെട്ടെന്ന് ചക്കയും മാങ്ങയുമൊക്കെയായി.  ഞങ്ങൾ, നഗരത്തിലേയ്ക്ക് കുടിയേറേണ്ടിവന്ന, പാവം നാട്ടിൻപുറത്തുകാർ ആണല്ലോ. അക്കൂട്ടത്തിൽ, സുഹൃത്തിനോട് ഞാൻ മുൻപൊരു ദിവസം ഒരു കാർ യാത്രയ്ക്കിടയിൽ നടന്ന ഒരു ചെറിയ സംഭവം പറഞ്ഞു. ഞങ്ങളുടെ കുടുംബയാത്രകളിൽ പതിവുള്ള ആ 'സംസാരബഹളങ്ങൾ'ക്കിടയിൽ, മോളാണ് പെട്ടെന്ന് പറഞ്ഞത്...

  'ഹരിത സുന്ദരി' @ Green Valley  കേര ഭൂവിലങ്ങുയരെ നിൽക്കുന്ന  'ഹരിത സുന്ദരി'യാണിവൾ  'ശത കുടുംബങ്ങൾ' ഒരുമയോടങ്ങു  പാർക്കുവോടമാണീയിടം    കനക കായ്കളങ്ങാർത്തു നിൽക്കുന്ന  പനമരങ്ങൾ തൻ ഛായയോ എരിയുമർക്കന്റെ തീഷ്ണസൂചിയി- ന്നേറ്റിടാതങ്ങു കാത്തിടും     അലസമേഘങ്ങൾ അകലെ നിന്നെത്തി  അരുമയോടൊന്നു പുല്കവേ   തരളമാരുതൻ തനു തലോടുന്ന  ഗാഢനിദ്രയിൽ ആണ്ടിടാം  സുഖസുഷുപ്തി വിട്ടുണരവേ  കണികാണുമാ തുഷാരതുള്ളികൾ  അകലെ മാറ്റുന്നതറിയണം ജീവ- സമ്മർദ്ദ താപങ്ങളാകെയും  ======= പിൻകുറിപ്പ്: പദ്മനാഭന്റെ മണ്ണിൽ, അനന്തപുരിയുടെ കാന്തിയിൽ, ഗ്രാമീണത ഇനിയും കൈവിടാത്ത ആ ഹരിതഭംഗിയിൽ, ഇവൾ ഈ ഹരിത താഴ്വര ഞങ്ങൾക്കായി ഒരുക്കിയ സുന്ദര ഗേഹം ..... ഓഷ്യാനസ് ഗ്രീൻ വാലി ... പുതിയ പച്ചപ്പട്ട് ചേലയിൽ അവൾ ഒന്നുകൂടി സുന്ദരിയായപ്പോൾ, അറിയാതെ മനസ്സിലുണർന്ന ഈ വരികൾ, അവൾക്കുള്ള നന്ദിയും സമർപ്പണവുമാകട്ടെ ...!!    * * *  സ്നേഹപൂർവ്വം  - ബിനു മോനിപ്പള്ളി Blog:   www.binumonippally.blogspot.com Youtube:   Binu M P FB:   Binu...

  കണ്ട കാഴ്ചകൾ - ഭാഗം 4   [ തോളോട് തോൾ ചേർന്ന്... ] നമസ്കാരം ... "കണ്ട കാഴ്ചകളു"ടെ നാലാം ഭാഗത്തിലേയ്ക്ക് സുസ്വാഗതം. നാലാം ഭാഗം: തോളോട് തോൾ ചേർന്ന്... ദിവസവും രാവിലെയുള്ള ആ ഓഫീസ് യാത്രയിൽ, തിരക്കൊഴിവാക്കാൻ ചില ഇടറോഡുകളാണ് ഞാൻ തിരഞ്ഞെടുക്കുന്നത്. എന്നാലും, ഇടയ്ക്കുള്ള ആ  കവലകൾ ഒഴിവാക്കാൻ ആവില്ലല്ലോ. അത്തരമൊരു കവലയിലെ 'സ്ഥിരം' കാഴ്ചയെ അഥവാ ഒരു 'സ്നേഹക്കൂട്ടായ്മയെ' കുറിച്ചാണ്, ഇന്ന് നമ്മൾ പറയുന്നത്. മിക്കവാറും, ഞാൻ ആ കവലയിൽ എത്തുമ്പോൾ സ്‌കൂൾ സമയമാകും. ബസ്സിറങ്ങിയ ധാരാളം കുട്ടികൾ, കുറച്ചധികം ദൂരെയുള്ള തങ്ങളുടെ സ്‌കൂളിലേക്ക് നടക്കുന്നത് കാണാം.  താരതമ്യേന വീതി കുറഞ്ഞ ആ റോഡിന്റെ ഇരുവശങ്ങളിലും, വളരെ ഉയരമുള്ള മതിലുകൾ ആണ്. ഇരുവശത്തേയ്ക്കുമുള്ള വണ്ടികൾ, അതും ഭാരവണ്ടികൾ ഉൾപ്പെടെ, ഇടതടവില്ലാതെ പോകുന്ന വഴിയാണ്.  ആ വഴിയിലൂടെയുള്ള, കുട്ടികളുടെ നടത്തത്തെക്കുറിച്ചാണ് ഇന്ന് നമ്മൾ പറയുന്നത്.  കുട്ടികളല്ലേ? വാ തോരാതെ പറയാൻ, അവർക്കേറെ വിശേഷങ്ങൾ കാണും. തീർച്ച. പക്ഷേ, ആ വിശേഷങ്ങൾ പറഞ്ഞുകൊണ്ട് അവർ നടക്കുന്നത്, തോളോട് തോളുരുമ്മി നാലോ അഞ്ചോ പേർ വരെ ചേർന്നാണ് .... അതും താരതമ്യേന മുതിർ...

കുമാരച്ച ചിന്തകൾ  [ചെറുകഥ] "ന്റെ പാക്കരാ ... മ്മ്‌ടെ കുമാരച്ചനെന്താ പറ്റ്യേ? ..." രാമേട്ടന്റെ കടയിൽ, വൈകുന്നേരത്തെ ആ പതിവ് ചായ മോന്തുന്ന കുഞ്ഞുപാക്കരനോടായിരുന്നു ചോദ്യം. "ന്താ ... പറ്റ്യേ?.." "അപ്പ ...നീയൊന്നും അറിഞ്ഞില്ലേ ..?" "ഇല്ല ..." "ങ് ...അവനേ... ഇന്ന് രാവിലെ മുതൽ ഒന്നും കഴിയ്ക്കുന്നില്ലത്രേ ... കാര്യമായിട്ട്  മിണ്ടുന്നും ഇല്ലാന്ന് ..."  "അയ്യോ .... ഇന്നലെ വൈകീട്ടും ഞങ്ങൾ ഒരുമിച്ചാണല്ലോ ഇവിടുന്നു പോയത് ..." "അതേന്ന് .... ഇതിപ്പം... ഇന്ന് രാവിലെ മുതലാ .." "രാമേട്ടാ ... ന്റെ ചായ, പറ്റില് എഴുതിയേക്കേ ..." കുഞ്ഞുപാക്കരൻ വേഗം കുമാരച്ചന്റെ വീട്ടിലേയ്ക്ക് നടന്നു. ഭാഗ്യം, ആള് ആ കോലായിൽ ഇരിപ്പുണ്ട്.  കൂടെ, താടിയ്ക്ക് കയ്യും കൊടുത്ത് ഭാര്യയും ഉണ്ട്. "ഇച്ചേയി ... എന്താ പറ്റിയെ ..?" "ന്റെ പാക്കരാ ..എനിയ്ക്കൊന്നും അറിയാമ്മേല .." "ന്ന് വച്ചാ? ...." "ഇന്ന് രാവിലെ ഞാൻ ആൾക്ക് ചായയുമായി ചെന്നപ്പോ, എന്നോട് പറയുവാ .... ചായ വേണ്ട മോഷണാന്ന്..." "ലൂസ് മോഷനോ ..? അതിനിത്തിരി മരുന...

ശ്യോ ... ഈ  എഫ്‍ബീ ലെ ഒരു കാര്യം .... [നാടൻപാട്ട്] എന്നെന്നും  എഫ്‍ബീ ല് നമ്മള് കാണുന്നോരാണേലും  കൂട്ടുകാരാണെന്നു നമ്മക്ക് ചൊല്ലാമോ കുഞ്ഞോനേ  നീയെന്റെ പോസ്റ്റതൊരെണ്ണം 'ലൈക്കു'ന്ന നേരത്തോ  നിന്റെയാ ഫോട്ടോ ഞാനങ്ങ് 'ഷെയറി' കുഞ്ഞോനേ  ഇന്നാള് ഞാനേ സ്റ്റാറ്റസ് "ക്രേസി"ന്നാക്കീപ്പം  കൂട്ടമായെത്തുന്നു "ക്രേസി ടൂ" പോസ്റ്റുകളൊട്ടേറെ  കൊള്ളാലോ ഇക്കളി, തോന്നി ഞാൻ  എഫ്‍ബീ ലോട്ടാകെ  കുത്തി-മറിഞ്ഞപ്പോ കണ്ടൊരു കാഴ്ചകൾ ചൊല്ലാം ഞാൻ  എന്തോരം കൂട്ടുകാരണപ്പാ  എഫ്‍ബീ ലെല്ലാർക്കും  എല്ലാരും 'ഇന്റിമേറ്റ്' ആയ കൂട്ടുകാരാണത്രെ  നൈറ്റിയിൽ, 'ലോൺലി' പോസ്റ്റണ 'ആന്റി'മാരൊട്ടേറെ  ലുങ്കിയിൽ, 'അഞ്ചാറ് പായ്ക്കു'ള്ള ചേട്ടന്മാർ അതിലേറെ  കുട്യോൾക്ക് കഥയൊന്നു ചൊല്ലുവാൻ നേരം കിടയ്ക്കാത്തോ-  രച്ഛന്മാർ  എഫ്‍ബീ ലെത്തുമ്പോൾ 'കഥയങ്കിൾ' ആകുന്നു  വാവയ്ക്ക് പാലുകൊടുക്കാത്ത അമ്മമാർ  എഫ്‍ബീ ലോ  'വർക്ക് ഔട്ട്' ഫോട്ടോയിൽ മിന്നണ 'ക്യൂട്ട് ഗേൾ' ആണത്രേ  വീട്ടിലെ 'പാതി'യോടിത്തിരി കിന്നാരം ചൊല്ലാത്തോൻ...

  ചെന്നൈ നഗരത്തിലെ 'ആദ്യരാത്രി' [ എന്റെ മെട്രോ ജീവിതങ്ങൾ - ഭാഗം:1 ] ഒക്ടോബർ 2005 ലെ, ഒരു തിളയ്ക്കുന്ന പകൽ. അന്ന് ചെന്നൈ നഗരത്തിന്റെ തിരക്കിലേയ്ക്ക്, ആ കടുത്ത ചൂടിലേയ്ക്ക്, ഞാൻ ട്രെയിൻ ഇറങ്ങി. ഇന്നും എനിയ്ക്കേറെ പ്രിയപ്പെട്ട മുംബൈ നഗരം നൽകിയ, 'ദ്രുത ജീവിത' അനുഭവങ്ങൾ, നിറമേറിയ ഹോളി, ശിവരാത്രി ആഘോഷങ്ങൾ, എല്ലാം... നല്ലൊരു ഓർമ്മയായി ഇപ്പോഴും മനസ്സിൽ ഉണ്ട്.  നാവിലാവട്ടെ, 'മുംബൈ കാ' പാനിപൂരിയും, വടാപാവും, പിന്നെ ആ തനത് രുചികളും.  വാഹ് .... വാഹ്... വോ തോ ... ക്യാ ലൈഫ് ഹേ ഭായ് ...!! തിരക്കേറിയ പ്ലാറ്റ്ഫോമിൽ എന്നെയും കാത്ത്, പ്രിയസുഹൃത്ത് ശ്രീ സജുമോൻ ഉണ്ടായിരുന്നു.  വാ തോരാതെ വിശേഷങ്ങൾ പറഞ്ഞ്, ആ വരണ്ട നഗരത്തിരക്കിലൂടെ, ആ തമിഴ് കാഴ്ചകളിലൂടെ, അന്നും ചെന്നൈയുടെ സ്വന്തമായ ആ മഞ്ഞ ഓട്ടോയിൽ ഒരു യാത്ര. അതവസാനിച്ചത്, അണ്ണാനഗർ റൗണ്ടാനയിലെ, ഒരു ഹോട്ടലിനു മുൻപിലായിരുന്നു.  രണ്ടാം നിലയിലാണ് എനിയ്ക്കുള്ള മുറി. ചെറിയ ഒരു ഓപ്പൺ ബാൽക്കണിയോട് കൂടിയ, സാമാന്യം നല്ല മുറി. എന്നെ ആ ഹോട്ടലിൽ ആക്കിയിട്ട്, അടുത്ത് തന്നെയുള്ള പ്രശസ്തമായ 'ശരവണ ഭവൻ' ഹോട്ടലിലേയ്ക്കുള്ള വഴിയും പറഞ്ഞു തന്ന്, സു...