Vichaara Vedhi

ശ്യോ ... ഈ  എഫ്‍ബീ ലെ ഒരു കാര്യം .... [നാടൻപാട്ട്] എന്നെന്നും  എഫ്‍ബീ ല് നമ്മള് കാണുന്നോരാണേലും  കൂട്ടുകാരാണെന്നു നമ്മക്ക് ചൊല്ലാമോ കുഞ്ഞോനേ  നീയെന്റെ പോസ്റ്റതൊരെണ്ണം 'ലൈക്കു'ന്ന നേരത്തോ  നിന്റെയാ ഫോട്ടോ ഞാനങ്ങ് 'ഷെയറി' കുഞ്ഞോനേ  ഇന്നാള് ഞാനേ സ്റ്റാറ്റസ് "ക്രേസി"ന്നാക്കീപ്പം  കൂട്ടമായെത്തുന്നു "ക്രേസി ടൂ" പോസ്റ്റുകളൊട്ടേറെ  കൊള്ളാലോ ഇക്കളി, തോന്നി ഞാൻ  എഫ്‍ബീ ലോട്ടാകെ  കുത്തി-മറിഞ്ഞപ്പോ കണ്ടൊരു കാഴ്ചകൾ ചൊല്ലാം ഞാൻ  എന്തോരം കൂട്ടുകാരണപ്പാ  എഫ്‍ബീ ലെല്ലാർക്കും  എല്ലാരും 'ഇന്റിമേറ്റ്' ആയ കൂട്ടുകാരാണത്രെ  നൈറ്റിയിൽ, 'ലോൺലി' പോസ്റ്റണ 'ആന്റി'മാരൊട്ടേറെ  ലുങ്കിയിൽ, 'അഞ്ചാറ് പായ്ക്കു'ള്ള ചേട്ടന്മാർ അതിലേറെ  കുട്യോൾക്ക് കഥയൊന്നു ചൊല്ലുവാൻ നേരം കിടയ്ക്കാത്തോ-  രച്ഛന്മാർ  എഫ്‍ബീ ലെത്തുമ്പോൾ 'കഥയങ്കിൾ' ആകുന്നു  വാവയ്ക്ക് പാലുകൊടുക്കാത്ത അമ്മമാർ  എഫ്‍ബീ ലോ  'വർക്ക് ഔട്ട്' ഫോട്ടോയിൽ മിന്നണ 'ക്യൂട്ട് ഗേൾ' ആണത്രേ  വീട്ടിലെ 'പാതി'യോടിത്തിരി കിന്നാരം ചൊല്ലാത്തോൻ...

  ചെന്നൈ നഗരത്തിലെ 'ആദ്യരാത്രി' [ എന്റെ മെട്രോ ജീവിതങ്ങൾ - ഭാഗം:1 ] ഒക്ടോബർ 2005 ലെ, ഒരു തിളയ്ക്കുന്ന പകൽ. അന്ന് ചെന്നൈ നഗരത്തിന്റെ തിരക്കിലേയ്ക്ക്, ആ കടുത്ത ചൂടിലേയ്ക്ക്, ഞാൻ ട്രെയിൻ ഇറങ്ങി. ഇന്നും എനിയ്ക്കേറെ പ്രിയപ്പെട്ട മുംബൈ നഗരം നൽകിയ, 'ദ്രുത ജീവിത' അനുഭവങ്ങൾ, നിറമേറിയ ഹോളി, ശിവരാത്രി ആഘോഷങ്ങൾ, എല്ലാം... നല്ലൊരു ഓർമ്മയായി ഇപ്പോഴും മനസ്സിൽ ഉണ്ട്.  നാവിലാവട്ടെ, 'മുംബൈ കാ' പാനിപൂരിയും, വടാപാവും, പിന്നെ ആ തനത് രുചികളും.  വാഹ് .... വാഹ്... വോ തോ ... ക്യാ ലൈഫ് ഹേ ഭായ് ...!! തിരക്കേറിയ പ്ലാറ്റ്ഫോമിൽ എന്നെയും കാത്ത്, പ്രിയസുഹൃത്ത് ശ്രീ സജുമോൻ ഉണ്ടായിരുന്നു.  വാ തോരാതെ വിശേഷങ്ങൾ പറഞ്ഞ്, ആ വരണ്ട നഗരത്തിരക്കിലൂടെ, ആ തമിഴ് കാഴ്ചകളിലൂടെ, അന്നും ചെന്നൈയുടെ സ്വന്തമായ ആ മഞ്ഞ ഓട്ടോയിൽ ഒരു യാത്ര. അതവസാനിച്ചത്, അണ്ണാനഗർ റൗണ്ടാനയിലെ, ഒരു ഹോട്ടലിനു മുൻപിലായിരുന്നു.  രണ്ടാം നിലയിലാണ് എനിയ്ക്കുള്ള മുറി. ചെറിയ ഒരു ഓപ്പൺ ബാൽക്കണിയോട് കൂടിയ, സാമാന്യം നല്ല മുറി. എന്നെ ആ ഹോട്ടലിൽ ആക്കിയിട്ട്, അടുത്ത് തന്നെയുള്ള പ്രശസ്തമായ 'ശരവണ ഭവൻ' ഹോട്ടലിലേയ്ക്കുള്ള വഴിയും പറഞ്ഞു തന്ന്, സു...

പീ ..പീ ..പോ ..പോ... [കണ്ട കാഴ്ചകൾ - ഭാഗം 3] നമസ്കാരം ...! "കണ്ട കാഴ്ചകളു"ടെ മൂന്നാം ഭാഗത്തിലേയ്ക്ക് സുസ്വാഗതം. ദൈനംദിന യാത്രകളിൽ നമുക്ക് ഒഴിവാക്കാനാവാത്തതാണ്, ട്രാഫിക് സിഗ്നലുകളിലെ ആ അറുമുഷിപ്പൻ 'കാത്തുകിടപ്പുകൾ'.  ആ കാത്തുകിടപ്പുകളിൽ, ആളുകളുടെ 'അക്ഷമ' നിങ്ങൾ ശ്രദ്ധിച്ചിട്ടുണ്ടോ? അതിന് ടു-വീലർ, ഫോർ-വീലർ വ്യത്യാസങ്ങൾ ഒന്നും തന്നെയില്ല.  ചിലർ തങ്ങളുടെ വണ്ടി അങ്ങിനെ 'റെയിസ്' ചെയ്തുകൊണ്ടേയിരിയ്ക്കും. മറ്റു ചിലരാകട്ടെ, സ്റ്റിയറിംഗ് വീലിലോ, ഹാൻഡിലിലോ ഇടിച്ചു കൊണ്ടോ, അടിച്ചു കൊണ്ടോ ഒക്കെ ആകും, തങ്ങളുടെ 'അരിശം' തീർക്കുന്നത്.  ഇനിയും ചിലർ വണ്ടിയിലെ പാട്ടുകൾ മാറ്റിമാറ്റി വയ്ക്കും, അല്ലെങ്കിൽ ശബ്ദം വളരെ കൂട്ടി വയ്ക്കും.  ഇനിയുമൊരു കൂട്ടരാകട്ടെ, വീണുകിട്ടിയ ആ ഇത്തിരി സമയത്ത് മൊബൈൽ ഫോണിൽ, ആരെയൊക്കെയോ ഉച്ചത്തിൽ ചീത്തവിളിയ്ക്കും.  വേറെ ചിലർ, മൊബൈലിൽ ചുമ്മാ സൊറപറയും. [ഒരുപക്ഷേ, ഇവർ മാത്രമാകും 'ഈ സിഗ്നൽ മാറല്ലേ' എന്ന് ആത്മാർഥമായി പ്രാർത്ഥിയ്ക്കുന്നവർ.] ഇതിൽ നമ്മൾ ഏതു വിഭാഗത്തിൽ പെടുന്നു എന്നൊന്ന് ആലോചിയ്ക്കുക; പിന്നെ തീരുമാനിയ്ക്കുക.  ശരിയ്ക്കും നമ്മൾ...

  ആറ്റുകാൽ പൊങ്കാല  [2026] ആറ്റുകാലമ്മയ്ക്ക് പൊങ്കാലയിട്ടെന്റെ  അഴലുകളാകവേ മാറ്റിടും ഞാൻ  ഉയരുന്ന ധൂമത്തിൽ ഉയിരോടെയെരിയുമെൻ  ഉള്ളുരുക്കൊന്നൊരാ കദനമെല്ലാം    കണ്ണകി തൂകിയ കണ്ണുനീർ അന്നൊരാ മധുരാപുരിയെയും തീർത്തെരിച്ചു   മണ്ണതിൽ  പെണ്ണിന്റെ കോപാഗ്നിയാറാതെ  കിള്ളിയാർ തീരത്ത് കുടിയിരുന്നു    ദേവി തൻ കോപം തണുക്കുവാനും  പിന്നെ, രാജന്റെ നിഗ്രഹം ഓർക്കുവാനും   അന്നുതൊട്ടിന്നോളം പൊങ്കാലകൾ    ആ തിരുമുറ്റത്ത് നേദ്യമായി    അന്നൊരു സന്ധ്യയ്ക്ക് 'മുല്ലുവീട്ടിൽ' ബാലികാ രൂപത്തിൽ വന്ന ദേവീ എന്നുമെൻ ഹൃത്തിൽ നീ മേവീടണേ  ജീവിതപ്പൊങ്കാല ഏറ്റുവാങ്ങി  എന്റെ....  ജീവിതപ്പൊങ്കാല ഏറ്റുവാങ്ങി   ****** സ്നേഹപൂർവ്വം .... ബിനു മോനിപ്പള്ളി  ****** Blog:   www.binumonippally.blogspot.com Youtube:   Binu M P FB:   Binu Mp Binu Monippally ********

    പൂവാംകുരുന്നിലപ്പൂവ്  [ഗാനം] പൂവാംകുരുന്നില പൂവിനോടന്ന് നീ  കൊഞ്ചിപ്പറഞ്ഞതല്ലേ പൂത്തിരുവാതിര രാവിൽ നിൻ കണ്ണുകൾ  ചിമ്മിപ്പറഞ്ഞതല്ലേ ഇഷ്ടമാണെന്നെ ..... ഒരു നൂറുവട്ടം ...  ഇഷ്ടമാണെന്ന കാര്യം  ഇഷ്ടമാണെന്നെ ..... ഏതിലും പ്രിയമായ്...  ഇഷ്ടപ്പെടുന്ന കാര്യം  നീ ഇഷ്ടപ്പെടുന്ന കാര്യം .... മഴ പെയ്തു മാറിയ പാടവരമ്പത്ത്  കണ്ട നാൾ ഓർമ്മയുണ്ടോ? 'കണിവെള്ളരിക്ക'യെന്നാരോ വിളിച്ചപ്പോൾ  കെറുവിച്ചതോർമ്മയുണ്ടോ? അന്നാ ത്രിസന്ധ്യയിൽ കാവിലെയുത്സവ  പഞ്ചാരിയോർമ്മയുണ്ടോ? തിരയുന്ന കരിവളക്കൂട്ടത്തിനപ്പുറം  തേടിയതാരെയാണോ? നീ  തേടിയതാരെയാണോ?....   പുഴ കൂടെയൊഴുകിയ കാലത്തിനിപ്പുറം  ഓർമ്മകൾ ബാക്കിയുണ്ടോ? കണിയില്ലാതുണരുന്ന പുലരികൾക്കിപ്പോഴും  അരുണിമ ഛായയുണ്ടോ? അന്നാ ത്രിസന്ധ്യയിൽ അരയാൽ ചുവട്ടിൽ നീ  അകലെയായ് മാറിയപ്പോൾ  അറിയാതെ തേങ്ങിയൊരുള്ളത്തിനറിയില്ല  അണയില്ലിനിയുമെന്ന്   നീ  അണയില്ലിനിയുമെന്ന് .....!   ****** സ്നേഹപൂർവ്വം .... ബിനു മോനിപ്പള്ളി  ****** Blog:   www.binumonippally.blogspot.com ...

ഈന്തോ? ദ്...എന്ത്ട്ട് കുന്താണ്?   [ഓർമ്മ തൻ ഇടനാഴിയിലൂടെ...] "ബിനുവേ ... ഒരു സ്‌പെഷ്യൽ അയച്ചിട്ടുണ്ട് ...നോക്കണേ ..." ഓഫീസിലെ തിരക്കേറിയ ഒരു ദിനം കൂടി അവസാനിപ്പിച്ച്, ഇനിയിത്തിരി നടന്നേക്കാം എന്നും കരുതി, ഞാൻ അൽപ്പം ധൃതിയിൽ ഇറങ്ങാൻ തുടങ്ങവേ, കുറിച്ചിത്താനംകാരനായ സുഹൃത്ത് ഓർമ്മിപ്പിച്ചു. അതെന്താവും? ആള് നാട്ടിൽ പോയിട്ട് ഇന്ന് രാവിലെ എത്തിയതേ ഉള്ളൂ.  അപ്പോൾ ... എന്തെങ്കിലും നാട്ടുകാഴ്ചകൾ ആവും.  കാരണം, ആൾക്ക് നന്നായറിയാം എനിയ്ക്ക് ഗ്രാമക്കാഴ്ചകൾ അത്രയേറെ ഇഷ്ടമാണ് എന്ന്. എന്തായാലും നടപ്പ് കഴിഞ്ഞാവാം അത് നോക്കുന്നത്. അല്ലെങ്കിൽ, ഇന്നത്തെ നടപ്പ് ചിലപ്പോൾ മുടങ്ങും. അങ്ങിനെ, പതിവ് നടത്തവും കഴിഞ്ഞ്, ആകാശനീലിമയിലെ ചന്ദ്രികയോടൊപ്പം, ആ കുളക്കരയിലെ ചാരുബെഞ്ചിൽ ഇരുന്ന് ദേഹത്തെ വിയർപ്പാറ്റവേ, ഒട്ട് ആകാംക്ഷയോടെ വാട്സാപ്പ് തുറന്നു. പ്രതീക്ഷ തെറ്റിയില്ല.  കുറിച്ചിത്താനത്തെ ആ താന്നിയ്ക്കൽ വീട്ടുപറമ്പിൽ, അങ്ങ് വടക്കേ ചരിവിൽ തലയുയർത്തി നിൽക്കുന്ന ഒരു ഈന്ത് മരത്തിന്റെ നല്ല മൊഞ്ചുള്ള പടം.  ഒരു പക്ഷേ, നഗരവാസികൾ കണ്ടിട്ട് പോലുമുണ്ടാകില്ല ഈ മരം.  നാട്ടിൽ, മോനിപ്പള്ളിയിലെ തറവാട...