അർച്ചന

അർച്ചന

[പ്രാർത്ഥന]

അക്ഷരങ്ങൾ കൊണ്ടു മാല തീർക്കാൻ 

അർച്ചനയായത് നേദിയ്ക്കുവാൻ 

അമ്മ തൻ മുൻപിൽ ഞാൻ നിന്നിടുമ്പോൾ 

അശ്രുബിന്ദുവെൻ കണ്ണുകളീറനാക്കും

ആദ്യാക്ഷരം നാവിലെഴുതിയമ്മ 

ആ മധുരം നാവിലിന്നുമോർമ്മ 

ആ തിരുനടയിൽ ഞാൻ എത്തിടുമ്പോൾ 

ആ ഓർമ്മ അശ്രുവായ് തുളുമ്പി നിൽക്കും 

ഇന്നീ പുലർകാല വേളയിൽ ഞാൻ 

ഈ തിരുമുമ്പിലായ് തൊഴുതു നിൽക്കേ,

ഈണമായ് നാവിൽ നീ ഒഴുകിടുമ്പോൾ 

ഈരേഴു വരികൾ ഞാൻ എഴുതി വയ്ക്കും  

ഈണമായ് നാവിൽ നീ ഒഴുകിടുമ്പോൾ 

ഈരേഴു വരികൾ ഞാൻ എഴുതി വയ്ക്കും 

 

പിൻകുറിപ്പ്: ഇന്ന് [21-ഒക്ടോബർ-2026] വിജയദശമി. അതിരാവിലെ ക്ഷേത്രദർശനവും കഴിഞ്ഞ് തിരിച്ചെത്തി. കുട്ടികളെ അരിയിൽ ഹരിഃശ്രീ എഴുതിച്ചു. ശേഷം, എന്തെങ്കിലും ഒന്ന് പുതിയതായി കുറിയ്ക്കുവാൻ ഞാനും ശ്രമിച്ചു. അതാണീ പ്രാർത്ഥന. 

ബ്രഹ്മ സ്വരൂപ പരമ ജ്യോതി സ്വരൂപാ സനാതനി,
സർവ വിദ്യതി ദേവ്യാ തസ്യൈ വന്യ നമോ നമ.

* * * 

സ്നേഹപൂർവ്വം 

- ബിനു മോനിപ്പള്ളി

Blog: www.binumonippally.blogspot.com

Youtube: Binu M P

FB: Binu Mp Binu Monippally